ଭୁବନେଶ୍ବର: କୋରୋନା ଟିକାକରଣକୁ ନେଇ ସନ୍ଦେହ ପ୍ରକାଶ କଲେ କଂଗ୍ରେସ ବିଧାୟକ ସୁର ରାଉତରାୟ । ପ୍ରଥମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟିକା ଦିଆଯାଉ ଓ ପରେ ମୁଖ୍ୟମନ୍ତ୍ରୀ ଓ ତୃତୀୟରେ ମୋତେ ଦିଆଯାଉ ବୋଲି କହିଲେ କଂଗ୍ରେସ ବିଧାୟକ ।
କଂଗ୍ରେସ ବିଧାୟକ
କୋରୋନା ଟିକାକୁ ନେଇ ଦେଶରେ ଆଶା ସଞ୍ଚାର ହୋଇଥିବାବେଳେ ଏହାର ଡ୍ରାଏ ରନ ଆରମ୍ଭ ହୋଇଛି । ଜାନୁଆରୀ 13 ସୁଦ୍ଧା ଟିକା ଉପଲବ୍ଧ ହେବ ବୋଲି ସୂଚନା ମିଳୁଛି । ତେବେ ଏପରି ସ୍ଥିତିରେ କଂଗ୍ରେସ ବିଧାୟକ ସୁର ରାଉତରାୟ ଏହାକୁ ନେଇ ପ୍ରଶ୍ନ ଉଠାଇଛନ୍ତି ।
ରୁଷିଆରେ ରାଷ୍ଟ୍ରପତି ପୁଟିନଙ୍କ ନାତୁଣୀଙ୍କୁ ପ୍ରଥମେ ଟିକା ଦିଆଗଲା ପରେ ତାହା ବିଫଳ ହେଲା ବୋଲି କହି ଭାରତରେ ପ୍ରଥମେ ମୋଦି ଟିକା ନିଅନ୍ତୁ ବୋଲି ସେ କହିଛନ୍ତି । ଏହାସହ ତା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଟିକା ନିଅନ୍ତୁ ବୋଲି ସେ ଦର୍ଶାଇଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
