ଭୁବନେଶ୍ବର: ହାଇଦ୍ରାବାଦରେ ମହିଳା ଡାକ୍ତରାଣୀଙ୍କୁ ଗଣଦୁଷ୍କର୍ମ ଓ ହତ୍ୟା ଘଟଣା ସମସ୍ତଙ୍କୁ ସ୍ତବ୍ଧ କରିଦେଇଛି । ଚାରିଆଡେ ଏହି ଘଟଣାକୁ ନେଇ ବିକ୍ଷୋଭ ପ୍ରଦର୍ଶନ କରାଯାଉଥିବା ବେଳେ ସର୍ବ ଭାରତୀୟ ଛାତ୍ର ସଂଗଠନର ଭୁବନେଶ୍ବର ଶାଖା ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି ।
ଏହି ସଂଗଠନ ପକ୍ଷରୁ ପୀଡିତାଙ୍କ ପରିବାରକୁ ସାନ୍ତ୍ବନା ଦେବା ସହିତ ଉପଯୁକ୍ତ ଆର୍ଥିକ କ୍ଷତିପୂରଣ ଏବଂ ଏଥିରେ ସମ୍ପୃକ୍ତ ଥିବା ଦୋଷୀମାନଙ୍କୁ କଠୋର ଦଣ୍ଡ ପ୍ରଦାନ କରାଯିବାକୁ ଦାବି କରାଯାଇଛି । ଏହା ସହିତ ସମାଜରେ ଏସବୁ ଘଟଣାର ମୁଖ୍ୟ କାରଣ ସାଜିଥିବା ମଦ, ଅଶ୍ଳୀଳ ବିଜ୍ଞାପନ ଆଦିର ପ୍ରଚାର ଓ ପ୍ରସାର କରାଉଥିବାବେଳେ ଏସବୁ ଉପରେ ରୋକ ଲଗାଇବାକୁ ଦାବି ହୋଇଛି । ନଚେତ ଆଗାମୀ ଦିନରେ ସଂଗଠନ ପକ୍ଷରୁ ଆନ୍ଦୋଳନକୁ ବ୍ୟାପକ କରାଯିବ ବୋଲି କହିଛନ୍ତି ଅନୁଷ୍ଠାନର ସଭାପତି ନସିମ ସରକାର ।
ସୋମବାର ଏହି ପ୍ରତିବାଦ ସଭାରେ ସଂଗଠନ ସମ୍ପାଦକ ସୁବାସ ନାୟକ, ଉପ ସଭାନେତ୍ରୀ ସପ୍ତର୍ଷିନି ରାଉଳ ଓ ଅନ୍ୟମାନେ ନିଜର ବକ୍ତବ୍ୟ ପ୍ରଦାନ କରିଥିଲେ ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
