ଭୁବନେଶ୍ବର: ରାଜ୍ୟରେ ଅନଲାଇନ ଶିକ୍ଷା ପ୍ରଦାନରେ ରାଜ୍ୟ ସରକାର 200 ପ୍ରତିଶତ ବିଫଳ । କୋଭିଡ ସମୟରେ ଛାତ୍ରଛାତ୍ରୀ ଶିକ୍ଷା ପାଇ ପାରୁନାହାନ୍ତି। ଗଣଶିକ୍ଷା ମନ୍ତ୍ରୀଙ୍କ ତଥ୍ୟ ଅନୁଯାୟୀ 62ଲକ୍ଷରୁ 22ଲକ୍ଷ ପିଲାମାନଙ୍କ ପାଖରେ ଅନଲାଇନ ବ୍ୟବସ୍ଥା ପହଞ୍ଚି ପାରୁନାହୁଁ । ରାଜ୍ୟ ସଚିବଙ୍କ ତଥ୍ୟରେ ମାତ୍ର 40 ପ୍ରତିଶତ ପିଲାଙ୍କ ପାଖରେ ଅନଲାଇନର ସୁବିଧା ମିଳୁଛି । କେନ୍ଦ୍ରର ତଥ୍ୟ ଅନୁସାରେ 67ଲକ୍ଷ ଛାତ୍ରଛାତ୍ରୀଙ୍କ ମଧ୍ୟରୁ ମାତ୍ର 15 ଲକ୍ଷ ଛାତ୍ରଛାତ୍ରୀ ଅନଲାଇନର ସୁବିଧା ପାଉଛନ୍ତି । କୋଭିଡ ସମୟରେ ନିର୍ବାଚନରେ ବ୍ୟସ୍ତ ରହିଲେ । ସରକାର ତଥ୍ୟରେ ତାଳମେଳ ରହୁନାହିଁ । କିଏ ସତ କହୁଛି ।
ସେପଟେ ପଞ୍ଜାବ ସରକାର ସମସ୍ତ ଛାତ୍ରଛାତ୍ରୀ ମାନଙ୍କ ପାଖରେ ଅନଲାଇନ ପାଠ୍ୟକ୍ରମ ପାଇଁ ଆଣ୍ଡ୍ରୋଏଡ ମୋବାଇଲ ଯୋଗାଇଦେଉଛନ୍ତି । ହେଲେ ରାଜ୍ୟ ସରକାର ଶିକ୍ଷା ନାଁରେ ମିଥ୍ୟା ତଥ୍ୟ ଦେଉଛନ୍ତି । ଯେଉଁମାନଙ୍କ ପାଖରେ ଇଣ୍ଟରନେଟ ନାହିଁ ତାଙ୍କ ପାଖରେ ଇଣ୍ଟରନେଟ ସୁବିଧା ଯୋଗାନ୍ତୁ ରାଜ୍ୟ ସରକାର । ପଞ୍ଜାବ ଭଳି ଓଡ଼ିଶାରେ ମଧ୍ୟ ଛାତ୍ରଛାତ୍ରୀ ମାନଙ୍କୁ ଆଣ୍ଡ୍ରୋଏଡ ମୋବାଇଲ ଫୋନ ସରକାର ଯୋଗାଇ ଦିଅନ୍ତୁ ବୋଲି ଛାତ୍ର କଂଗ୍ରେସ ଦାବି କରିଛି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
