ଭୁବନେଶ୍ବର: ମୟୂରଭଞ୍ଜ ଚଟଣି ବସଷ୍ଟାଣ୍ଡରେ ଚାଲିଥିଲା ବାଘ ଛାଲ ବିକ୍ରି । ବାଘ ଛାଲ ବିକ୍ରି ଡିଲ କରୁଥିବା ବେଳେ ଦୁଇ ଜଣଙ୍କୁ କାବୁ କରିଛି STF ଟିମ । ଏହାସହିତ ଗୋଟିଏ ବାଘଛାଲ ମଧ୍ୟ ଜବତ କରିଛି ଟିମ ।
ଅଭିଯୁକ୍ତ ଦୁଇ ଜଣ ହେଲେ ଅଜିତ କୁମାର ଗିରି ଓ ଚନ୍ଦ୍ରକାନ୍ତ କୁର୍ଜି । ଯିଏକି ରାଇରଙ୍ଗପୁର ମନଡା ଫରେଷ୍ଟ ଡିଭିଜନରୁ ବାଘ ଛାଲ ଆଣି ଏଭଳି ବିକ୍ରି କରୁଥିଲେ । ଏ ସମ୍ପର୍କରେ ଖବର ପାଇବା ପରେ STF ଟିମ ଚଢାଉ କରିଥିଲା । ତେବେ ଗୋଟିଏ ବାଘଛାଲ ଜବତ କରାଯାଇଛି ।
୨୦୨୦ରୁ ଏଯାବତ ୧୮ଟି ବାଘଛାଲ, ୧୦ଟି ହାତୀ ଦାନ୍ତ, ୨ଟି ହରିଣ ଛାଲ, ୫ଟି ଜୀବନ୍ତ ବଜ୍ରକାପ୍ତା ଓ ୧୫ କେଜି ବଜ୍ରକାପ୍ତା କାତି ଜବତ କରିଛି ଏସଟିଏଫ ଟିମ । ଏହାକୁ ରୋକିବା ପାଇଁ ଏସଟିଏଫ ଟିମ ବନ୍ୟପ୍ରାଣୀ ଶିକାର ବିରୋଧୀ ଅଭିଯାନ ଜାରି ରଖିଛି ବୋଲି SP ସୂଚନା ଦେଇଛନ୍ତି ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
