ଭୁବନେଶ୍ବର: ଜାତୀୟ ଯୁବଦିବସ ପାଳନ ହୋଇଯାଇଛି । ସ୍ବାମୀ ବିବେକାନନ୍ଦଙ୍କର 157 ତମ ଜୟନ୍ତୀ ଉପଲକ୍ଷେ ଓଡିଶା ରାଜ୍ୟ ସରକାରଙ୍କ କ୍ରୀଡା ଓ ଯୁବ ବିଭାଗ ପକ୍ଷରୁ ଜାତୀୟ ଯୁବ ଦିବସ ପାଳନ କରାଯାଇଛି ।
କ୍ରୀଡା ଓ ଯୁବ ବିଭାଗ ଦ୍ବାରା ଜାତୀୟ ଯୁବ ଦିବସ ପାଳିତ
ଭୁବନେଶ୍ବରରେ ଜାତୀୟ ଯୁବଦିବସ ଅବସରରେ ସ୍ବାମୀ ବିବେକାନନ୍ଦଙ୍କ ପ୍ରତିମୂର୍ତ୍ତରେ କ୍ରୀଡା ଓ ଯୁବସେବା ମନ୍ତ୍ରୀ ତୁଷାରକାନ୍ତ ବେହେରା ମାଲ୍ୟାର୍ପଣ କରିଥିଲେ । ରାମକୃଷ୍ଣ ମିଶନର ସ୍ବାମୀଜୀ ମଧ୍ୟ ଯୋଗଦେଇଥିଲେ । ଏହି ଅବସରରେ ଏକ ପଦଯାତ୍ରା କରି କଳିଙ୍ଗ ଷ୍ଟାଡିୟମରୁ ବାହାରି ଛାତ୍ରଛାତ୍ରୀ ମାନେ ପାୱାର ହାଉସ ଛକ ପର୍ଯ୍ୟନ୍ତ ଯାଇଥିଲେ।। ଏହି ରାଲିରେ 300ରୁ ଉର୍ଦ୍ଧ୍ବ ଯୁବପୀଢି ଯୋଗ ଦେଇଥିଲେ ଓ କ୍ରୀଡା ବିଭାଗର ଅଧିକାରୀ, କୋଚ,ଛାତ୍ର ଛାତ୍ରୀ ଓ କର୍ମଚାରୀ ଭାଗ ନେଇଥିଲେ ।
ଭୁବନେଶ୍ବରରୁ ଶତରୂପା ସାମନ୍ତରାୟ,ଇଟିଭି ଭାରତ
