ଭୁବନେଶ୍ବର: ଆଜି ରାଜ୍ୟରେ 200 ଅତିକ୍ରମ କଲା କୋରୋନାଜନିତ ମୃତ୍ୟୁ ସଂଖ୍ୟା । ପୁଣି 24ଘଣ୍ଟାରେ 10ଜଣଙ୍କ ପ୍ରାଣ ନେଇଛି କୋରୋନା । ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗର ସୂଚନାନୁସାରେ ଗଞ୍ଜାମରୁ 3, ଗଜପତିରୁ 2, କଳାହାଣ୍ଡିରୁ 1, ଖୋର୍ଦ୍ଧାରୁ 1, ରାୟଗଡାରୁ 3 ଜଣଙ୍କ ମୃତ୍ୟୁ ହୋଇଛି ।
ଗଞ୍ଜାମ ମୃତକଙ୍କ ମଧ୍ୟରେ 54ବର୍ଷୀୟ ମହିଳା, 54ବର୍ଷୀୟ ପୁରୁଷ ଓ 48 ବର୍ଷୀୟ ପୁରୁଷ ସାମିଲ ଅଛନ୍ତି ଯିଏକି ମଧୁମେହ ରୋଗରେ ପୀଡିତ ଥିଲେ । ସେହିପରି କଳାହାଣ୍ଡିରୁ ପ୍ରାଣ ହରାଇଥିବା 66 ବର୍ଷୀୟ ବୃଦ୍ଧ ମଧୁମେହ ସହ ହାଇପରଟେନସନରେ ବି ପୀଡିତ ଥିଲେ । ଖୋର୍ଦ୍ଧାରୁ ପ୍ରାଣ ହରାଇଥିବା 63ବର୍ଷୀୟ ବୃଦ୍ଧ ଜଣକ ମଧ୍ୟ ମଧୁମେହ,ହାଇପରଟେନସନ ଓ ହୃଦରୋଗରେ ଆକ୍ରାନ୍ତ ଥିଲେ । ସେହିପରି ରାୟଗଡାରୁ 61ବୟସ୍କ ଜଣେ ବୃଦ୍ଧ, 70ବର୍ଷୀୟ ଓ 64ବର୍ଷୀୟ ବୃଦ୍ଧ ପ୍ରାଣ ହରାଇଛନ୍ତି । ଗଜପତିରୁ ପ୍ରାଣ ହରାଇଥିବା 2ଜଣ ଯଥାକ୍ରମେ 48 ବର୍ଷୀୟ ଓ 34ବର୍ଷୀୟ ବ୍ୟକ୍ତି ଥିଲେ ।
ତେବେ ବର୍ତ୍ତମାନ ସୁଦ୍ଧା ରାଜ୍ୟରେ 207 ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
