ଭୁବନେଶ୍ବର:ତୃତୀୟ ଲହର ପୂର୍ବରୁ ଗର୍ଭବତୀଙ୍କୁ ଦିଆଯିବ ବିଶେଷ ଦୃଷ୍ଟି । ଘରେ ଘରେ ବୁଲି ଗର୍ଭବତୀଙ୍କୁ ଦିଆଯିବନି ଟିକା । ଟିକା କେନ୍ଦ୍ରକୁ ଆସି ଟିକା ନେବେ ଗର୍ଭବତୀ । ଏଥିପାଇଁ କେନ୍ଦ୍ରରେ ବିଶେଷ ବ୍ୟବସ୍ଥା କରାଯାଇଥିବା ନେଇ ପରିବାର କଲ୍ଯାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ କହିଛନ୍ତି ।
ଗର୍ଭବତୀ ମହିଳାଙ୍କ ପାଇଁ ଟିକାଦାନ କେନ୍ଦ୍ରରେ ସ୍ୱତନ୍ତ୍ର ପ୍ରତୀକ୍ଷା କକ୍ଷ ହେବ । ଘର ଘର ବୁଲି ଟିକା ଦେବାକୁ ଗାଇଡ଼ଲାଇନରେ ବାରଣ କରାଯାଇଛି । ଘର ପାଖରେ ଥିବା ଟିକା କେନ୍ଦ୍ରରେ ଟିକା ନେଇ ପାରିବେ ଗର୍ଭବତୀ । ଟିକା ନେବା ଦ୍ବାରା ସ୍ବାସ୍ଥ୍ୟ ଉପରେ କି ପ୍ରଭାବ ପଡିବ ସେନେଇ ଗର୍ଭବତୀ ମହିଳାଙ୍କୁ ଆଶାକର୍ମୀ ପ୍ରଥମେ ସଚେତନ କରାଇବେ । ତାପରେ ସେମାନେ ସ୍ୱେଚ୍ଛାକୃତ ଭାବେ ଟିକା ନେବାକୁ କହିଲେ ଟିକା ଦିଆଯିବ ବୋଲି କହିଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
