ଭୁବନେଶ୍ବର: ଆଦିବାସୀ ମେଳାରେ ମାଟି ତିଆରି ଜିନିଷର ବଢୁଛି ଚାହିଦା । ଗତ ରବିବାର ଠାରୁ ପ୍ରଦର୍ଶନୀ ପଡିଆରେ ଆଦିବାସୀ ମେଳା 2020 ଆରମ୍ଭ ହୋଇଥିବା ବେଳେ ମାଟି ତିଆରି ଜିନିଷ କିଣିବାକୁ ମେଳାରେ ଲୋକମାନଙ୍କ ଭିଡ ଦେଖିବାକୁ ମିଳୁଛି ।
ଆଦିବାସୀ ମେଳାରେ ମାଟି ତିଆରୀ ଜିନିଷର ବଢୁଛି ଚାହିଦା
ତେବେ ଏହି ମେଳାରେ ରାଜ୍ୟର ସମସ୍ତ ଆଦିବାସୀ ଜାତି ଓ ଜନଜାତି ସମ୍ପ୍ରଦାୟର ଲୋକେ ଏକତ୍ର ହୋଇଛନ୍ତି। ସେମାନେ ଏହି ମେଳାରେ ନିଜର କଳା, ପରମ୍ପରା ଓ ସଂସ୍କୃତି ପ୍ରଦର୍ଶନ ମଧ୍ୟ କରୁଛନ୍ତି । ଆଉ ଏହା ମଧ୍ୟରେ ନିଜର ସ୍ବତନ୍ତ୍ର ଜାଗା ତିଆରି କରିଛି ସେନପୁର ଜିଲ୍ଲାରୁ ଆସିଥିବା ମାଟି ପାଣି ବୋତଲ । ଯାହାକୁ କିଣିବା ପାଇଁ ରାଜଧାନୀବାସୀଙ୍କ ଭିଡ଼ ଦେଖିବାକୁ ମିଳୁଛି।
ପ୍ଲାଷ୍ଟିକ ବନ୍ଦ ହେବା ପରେ ଅନେକ ଲୋକ ମାଟି ଜିନିଷ ପ୍ରତି ନିଜର ଆଗ୍ରହ ଦେଖାଉଛନ୍ତି । ଆଗକୁ ଖରା ଦିନ ଆସୁଥିବାରୁ ଲୋକେ ମାଟି ବୋତଲ କିଣୁଥିବା କହିଛନ୍ତି ।
ଭୁବନେଶ୍ବରରୁ ସତରୂପା ସାମନ୍ତରାୟ, ଇଟିଭି ଭାରତ
