ଭୁବନେଶ୍ବର: ସ୍ମାର୍ଟସିଟି ପରିବେଶକୁ ସବୁଜ ସୁନ୍ଦର କରିବାକୁ ବିଏମସି ପକ୍ଷରୁ ଉଦ୍ୟମ ଆରମ୍ଭ । ଭୁବନେଶ୍ବରକୁ ସବୁଜ ସହରରେ ପରିଣତ କରିବାକୁ ବିଏମସି କର୍ତ୍ତୃପକ୍ଷଙ୍କ ପକ୍ଷରୁ ଗୁରୁତ୍ବ ଦିଆଯାଇଛି । ସ୍ବଚ୍ଛତା ଏବଂ ସବୁଜିମାକୁ ଅଧିକ ଗୁରୁତ୍ବ ଦେଇଛନ୍ତି ଭୁବନେଶ୍ବର ସହରାଞ୍ଚଳ କର୍ତ୍ତୃପକ୍ଷ । ରାଜଧାନୀ ଅଞ୍ଚଳର ନାଗରିକ ମାନେ ସହରରେ ସ୍ଵଚ୍ଛ, ପରିମଳ ଏବଂ ସବୁଜିମାକୁ ଗୁରୁତ୍ବ ଦେବା ଦରକାର ବୋଲି ମତ ପ୍ରକାଶ ପାଇଛି ।
ସାରା ଦେଶରେ ଭୁବନେଶ୍ବର ଏକ ଅଗ୍ରଣୀ ସହର ଭାବରେ ପରିଗଣିତ ହେଉଛି । ସ୍ବଚ୍ଛତା ବଜାୟ ରଖିବା ଏବଂ ସାମାଜିକ ଅନ୍ତର୍ଭୁକ୍ତିକରଣକୁ ବେଶ ଗୁରୁତ୍ବ ଦେଇ ଆସୁଛି ବିଏମସି । ସ୍ବଚ୍ଛତା ବଜାୟ ରଖିବା ନିମନ୍ତେ ୮୦ କିମି ଲମ୍ବା ରାସ୍ତା ଗୁଡିକରେ ଯାନ୍ତ୍ରିକ ସଫେଇ, ପରିଛନତା ରଖିବା ସ୍ବରୂପ ନିୟମିତ ଓଳାଇବା ଏବଂ ବର୍ଜ୍ୟବସ୍ତୁ ପରିଚାଳନା ନିମନ୍ତେ ଏମସିସି ନିର୍ମାଣକୁ ଇତ୍ୟାଦି ଦୃଷ୍ଟାନ୍ତ ଉଦାହରଣ । ସେପଟେ ଜନ ସଚେତନତା ସ୍ବରୂପ 'ମୁଁ ସଫେଇ ବାଲା' ଅଭିଯାନ ଲୋକାଦୃତ ହୋଇ ପାରିଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
