ଭୁବନେଶ୍ବର: ଅସହ୍ୟ ଶୀତରେ ଥରୁଛି ସାରା ରାଜ୍ୟ । ଏନେଇ ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସର୍ତକ ସୂଚନା ଦିଆ ଯାଇଛି । ରାଜ୍ୟର 12ଟି ଷ୍ଟେସନରେ ସମ୍ବଲପୁର, କେନ୍ଦୁଝର, ଝାରସୁଗୁଡା, ବଲାଙ୍ଗୀର ଭଳି ବଡ ବଡ ସହରରେ 10 ଡିଗ୍ରୀ ଠାରୁ କମ ତାପମାତ୍ରା ରେକର୍ଡ କରାଯାଇଛି।
ଆହୁରି ବଢ଼ିବ ଥଣ୍ଡା
ଗତ 24 ଘଣ୍ଟାରେ ସୁବର୍ଣ୍ଣପୁର ଏବଂ ଫୁଲବାଣୀରେ ସର୍ବନିମ୍ନ 6 ଡିଗ୍ରୀ ତାପମାତ୍ରା ରହିଛି । ହିମାଳୟ ପାଦ ଦେଶରୁ କୋହଲା ଉତ୍ତରା ପବନ ରାଜ୍ୟକୁ ପ୍ରବାହିତ ହେଉଛି, ତେଣୁ ଆଗାମୀ ଦୁଇ ତିନି ଧରି ରାଜ୍ୟରେ କୋହଲା ପାଗ ଲାଗି ରହିବ।
ତେବେ ଆସନ୍ତା 24 ଘଣ୍ଟା ପାଇଁ ଅନୁଗୋଳ, ଦେଓଗଡ଼, ବଲାଙ୍ଗୀର, ବୌଦ୍ଧ ଏବଂ ସୁବର୍ଣ୍ଣପୁର ଜିଲ୍ଲାରେ ତାପମାତ୍ରା 2-3 ଡିଗ୍ରୀ ହ୍ରାସ ପାଇବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ। ସମଗ୍ର ରାଜ୍ୟରେ କୋହଲା ପବନ ବହିବା ନେଇ ସତର୍କ ସୂଚନା ଜାରି କରିଛି ପାଣିପାଗ ବିଭାଗ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
