ଭୁବନେଶ୍ବର: ଅନଲାଇନ ନୁହେଁ, ବୈଷୟିକ ଶିକ୍ଷାନୁଷ୍ଠାନରେ ହେବ ଅଫଲାଇନ ପରୀକ୍ଷା । ଅଫଲାଇନ ପରୀକ୍ଷା କରିବାକୁ ନିର୍ଦ୍ଦେଶ ଦେଇଛନ୍ତି ଦକ୍ଷତା ବିକାଶ ଏବଂ ପ୍ରଯୁକ୍ତିବିଦ୍ୟା ଶିକ୍ଷା ବିଭାଗ । ବର୍ତ୍ତମାନ ରାଜ୍ୟରେ କୋରୋନା ମହାମାରୀ ସ୍ଥିତି ସୁଧୁରୁଛି । କୋଭିଡ କଟକଣା ମଧ୍ୟ କୋହଳ ହୋଇଛି । ରାଜ୍ୟ ସରକାର ଶିକ୍ଷା ବ୍ୟବସ୍ଥା ଉପରେ ପ୍ରତିବନ୍ଧକ କୋହଳ କରିଛନ୍ତି । ତେଣୁ ଶିକ୍ଷାର ଗୁଣବତ୍ତା ପୁନରୁଦ୍ଧାର ପାଇଁ ଅଫଲାଇନ ମାଧ୍ୟମରେ ଇଞ୍ଜିନିୟରିଂ ଏବଂ ପ୍ରଫେସନାଲ୍ ଇନଷ୍ଟିଚ୍ୟୁସନରେ ସେମିଷ୍ଟାର ପରୀକ୍ଷା କରିବାକୁ ନିଷ୍ପତ୍ତି ନିଆଯାଇଛି ।
ସମସ୍ତ ସେମିଷ୍ଟାର ପରୀକ୍ଷା ଅଫଲାଇନରେ ପରିଚାଳନା କରିବାକୁ ରାଜ୍ୟର ଶିକ୍ଷାନୁଷ୍ଠାନଗୁଡିକକୁ ଦକ୍ଷତା ବିକାଶ ଏବଂ ପ୍ରଯୁକ୍ତିବିଦ୍ୟା ଶିକ୍ଷା ବିଭାଗ ପକ୍ଷରୁ ନିର୍ଦ୍ଦେଶ ଦେଇଛନ୍ତି । କୋରୋନା ମହାମାରୀ ସମୟରେ ଦୀର୍ଘ ଦିନ ଧରି ଇଞ୍ଜିନିୟରିଂ କଲେଜ ବନ୍ଦ ରହିଥିଲା । ଅନଲାଇନ ମାଧ୍ୟମରେ କ୍ଳାସ କରାଯାଉଥିଲା । ଏବେ ରାଜ୍ୟରେ କୋରୋନା ସଂକ୍ରମଣ କମିଥିବାରୁ ଅଫଲାଇନରେ କ୍ଳାସ କରାଯାଉଛି । ଏହି ଦୃଷ୍ଟିରୁ ପରୀକ୍ଷା ମଧ୍ୟ ଅଫଲାଇନ ମୋଡରେ କରିବାକୁ ନିଷ୍ପତ୍ତି ନେଇଛନ୍ତି ଦକ୍ଷତା ବିକାଶ ଏବଂ ପ୍ରଯୁକ୍ତିବିଦ୍ୟା ବିଭାଗ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
