ଭୁବନେଶ୍ବର : ସାରୁଅ ଜମି ଦୁର୍ନୀତି ମାମଲାରେ ଗିରଫ ହେଲେ ଓରଟେଲର ପୂର୍ବତନ କର୍ମଚାରୀ । ଗିରଫ କଲା କ୍ରାଇମବ୍ରାଞ୍ଚର ଈଓଡବ୍ଲୁ ।
ସୂଚନା ଅନୁଯାୟୀ ଖୋର୍ଦ୍ଧାର ବାଘମାରୀ ଥାନାରେ ସାରୁଅ ଜମି ଦୁର୍ନୀତି ମାମଲାରେ ଅନୁସୂଚିତ ଜାତିର ଜମିକିଣା ବିକାରେ ଦୁର୍ନୀତି ନେଇ ଅଭିଯୋଗ ହୋଇଥିଲା । ଏହାକୁ ଆଧାର କରି ରାଜ୍ୟ ସରକାରଙ୍କ କ୍ରାଇମବ୍ରାଞ୍ଚ ଇଓଡବ୍ଲ୍ୟୁ ମନୋରଞ୍ଜନ ଷଡଙ୍ଗୀକୁ ଗିରଫ କରିଛି । ଓଡିଶା ଇନଫ୍ରା ପ୍ରାଇଭେଟ ଲିମିଟେଡର ଡାଇରେକ୍ଟର ତଥା ପୂର୍ବତନ ଓରଟେଲ କର୍ମଚାରୀ ମନୋରଜନ ଷଡଙ୍ଗୀକୁ ଗିରଫ କରି କୋର୍ଟ ଚାଲାଣ କରିଛି କ୍ରାଇମବ୍ରାଞ୍ଚର ଈଓଡବ୍ଲୁ ଟିମ ।
ଜମି କିଣାବିକାରେ ଦୁର୍ନୀତି ହୋଇଥିବା ପ୍ରକ୍ରିୟାରେ କାର୍ଯାନୁଷ୍ଠାନ ନେଇଛି ଅର୍ଥନୈତିକ ଅପରାଧା ଶାଖା ।
୪୨୦- ଠକେଇ
୪୨୩- ଅସାଧୁ ଉପାୟରେ ହାତେଇବା
୪୬୭-ଠକେଇ ପରେ ଫର୍ଜରି କରିବା
୪୬୮-ଠକେଇ ଉଦେଶ୍ଯରେ ହାତେଇବା
୪୭୧-ଜାଣତ ଓ ଅଜାଣତରେ ଠକେଇ କରିବା ଆଦି ମାମଲା
ସହ ଅପରାଧିକ ମାମଲା ୧୨୦ ବି ରେ ଗିରଫ କରି କୋର୍ଟରେ ହାଜର କରାଯାଇଛି। ଏହା ସହ ଏସଏସଟି ଆକ୍ଟରେ ମଧ୍ୟ ଗିରଫ କରି ଭୁବନେଶ୍ବର ଜିଲ୍ଲା କୋର୍ଟରେ ହାଜର କରିଛି । ବର୍ତ୍ତମାନ ସେ ଘରୋଇ ଗଣମାଧ୍ୟମର ସିଏଫଓ ରହିଥିବା ସୂଚନା ରହିଛି ।
ଭୁବନେଶ୍ବରରୁ ତାପସ ପରିଡା,ଇଟିଭି ଭାରତ
