ପୁରୀ: ଆଜି ବିଶ୍ବ ପ୍ରସିଦ୍ଧ ରଥଯାତ୍ରା । ଭକ୍ତଶୂନ୍ୟ ବଡ ଦାଣ୍ଡକୁ ଓହ୍ଲାଇବେ ମହାପ୍ରଭୁ । ମହାମାରୀ କୋରୋନା କଟକଣାରେ ଚଳିତ ବର୍ଷ ପାଳିତ ହେଉଛି ଘୋଷଯାତ୍ରା । ଏହି ଅବସରରେ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ନିର୍ମାଣ କରିଛନ୍ତି ରଥ ।
ପୁରୀ ବେଳାଭୂମିରେ ଅତି ସୁନ୍ଦରତା ସହ ବାଲୁକା କଳାରେ ନିର୍ମାଣ କରିଛନ୍ତି ବଡଦାଣ୍ଡ । ଯେଉଁଠି ଶ୍ରୀମନ୍ଦିର ସାଙ୍ଗକୁ ତିନି ଠାକୁରଙ୍କୁ ସଜାଇଛନ୍ତି ସୁଦର୍ଶନ । ଜଗତର ନାଥ ଜଗନ୍ନାଥଙ୍କ ନନ୍ଦିଘୋଷ ରଥ । ବଡ ପ୍ରଭୁ ବଳିଆର ଭୂଜ ବଳଭଦ୍ରଙ୍କ ତାଳଧ୍ବଜ ଓ ମାତା ସୁଭଦ୍ରାଙ୍କ ଦେବଦଳନ ରଥକୁ ବେଳା ଭୂମିରେ ଗଢାଇଛନ୍ତି ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ । ଏହା ସହିତ ଲେଖିଛନ୍ତି ସବୁ ସେ କାଳିଆ ଲୀଳା । ଏହା ସହିତ ଟ୍ବିଟ କରି ସୁଦର୍ଶନ ପଟ୍ଟନାୟକ ସମସ୍ତଙ୍କ ସୁଖକାମନା କରିଛନ୍ତି ।
ଚଳିତ ବର୍ଷ ମହାମାରୀ କୋରୋନା କଟକଣା ପାଇଁ ରଥଯାତ୍ରାକୁ ଅନେକ କଳ୍ପନାଜଳ୍ପନା ଲାଗି ରହିଥିଲା । ପରିଶେଷରେ ସୁପ୍ରିମକୋର୍ଟଙ୍କ ରାୟ ପରେ କଟକଣା ସହ ଭକ୍ତ ଶୂନ୍ୟ ବଡଦାଣ୍ଡରେ ଗଡିବ ରଥ । ନଅ ଦିନ ଧରି ଭାଇ ଭଉଣୀଙ୍କ ସହ ମାଉସୀ ଘରକୁ ଯିବ କାଳିଆ । ସେପଟେ ସଂକ୍ରମଣକୁ ଦୃଷ୍ଚିରେ ରଖି ପୁରୀକୁ 48 ଘଣ୍ଟିଆ ସଟଡାଉନ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
