ଭୁବନେଶ୍ବର: ପୂଜା ଛୁଟିରେ ଆରଟିଓ ଅଫିସ ଖୋଲା ନେଇ ସରକାରଙ୍କ ନିଷ୍ପତ୍ତି। ଆସନ୍ତା 5ରୁ 8 ଯାଏଁ ପୂଜା ପାଇଁ ସରକାରୀ ଛୁଟି ରହିବ। ପୂଜାରେ 4 ଦିନ ଛୁଟି ରହୁଥିବାରୁ ନୂଆ ଗାଡ଼ି ପଞ୍ଜିକରଣ ବାଧାପ୍ରାପ୍ତ ହେବ। ବିଶେଷ କରି ଦୁର୍ଗା ପୂଜା ଥିବାରୁ ଅନେକ ନୂଆ ଗାଡି କିଣିବେ। ତେଣୁ ନୂଆ ପଞ୍ଜିକରଣକୁ ଦୃଷ୍ଟିରେ ରଖି ରାଜ୍ୟ ପରିବହନ ବିଭାଗ ଆସନ୍ତା 5 ଓ 7ରେ ଆରଟିଓ ଅଫିସ ଖୋଲା ରଖିବ ବୋଲି ନିଷ୍ପତ୍ତି ନିଆଯାଇଛି।
3ଟାରୁ 5ଟା ଯାଏଁ ଅଫିସ ଖୋଲା ରହିବ। କେବଳ ନୂଆ ପଞ୍ଜିକରଣ ପାଇଁ ଅଫିସ ଖୋଲିବ। ତେବେ କୌଣସି ଡିଲର ବିନା ପଞ୍ଜିକରଣ ନମ୍ବରରେ ଗାଡି ବିକ୍ରି କରିପାରିବେ ନାହିଁ। ଅନ୍ୟପକ୍ଷରେ 4 ଦିନ ସରକାରୀ ଛୁଟିରେ କୌଣସି ଲାଇସେନ୍ସ ଦିଆଯିବ ନାହିଁ । ଲର୍ଣ୍ଣିଂ କିମ୍ବା ଡିଏଲ ପ୍ରଦାନ କରାଯିବ ନାହିଁ ବୋଲି ପରିବହନ ବିଭାଗ ପକ୍ଷରୁ କୁହାଯାଇଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
