ଭୁବନେଶ୍ବର: ରାଜ୍ୟ ବାହାରେ ଥିବା ପ୍ରବାସୀ ଓଡିଆଙ୍କୁ ଫେରିବା ଆଣିବା ଏବେ ସରକାରଙ୍କ ପାଇଁ ଚ୍ୟାଲେଞ୍ଜ ସୃଷ୍ଟି କରିଛି। ଏପରି ସ୍ଥଳେ ସେମାନେ କିପରି ଆସିବେ ସେନେଇ ଏପର୍ଯ୍ୟନ୍ତ କିଛି ବ୍ୟବସ୍ଥା ହୋଇନଥିବା ପରିବହନ ମନ୍ତ୍ରୀ ପଦ୍ମନାଭ ବେହେରା କହିଛନ୍ତି ।
ସେ କହିଛନ୍ତି,‘ଲୋକମାନଙ୍କୁ ଫେରାଇ ଆଣିବାକୁ ଲକ୍ଡାଉନ୍ ପରେ ବ୍ୟବସ୍ଥା କରାଯିବ । ଏପର୍ଯ୍ୟନ୍ତ କିଛି ହୋଇନି । ସମସ୍ତ ରେଜିଷ୍ଟ୍ରେସନ ସରିବା ପରେ କେଉଁ ରାଜ୍ୟରେ କେତେ ଜଣ ଅଛନ୍ତି ଜଣାପଡିବ ।’ ସେହିପରି ଲୋକଙ୍କ ରହିବା ପାଇଁ କ୍ବାରେଣ୍ଟାଇନ ସେଣ୍ଟର କରାଯାଇଛି । ବିଭିନ୍ନ ସ୍କୁଲ ଘର, ପଞ୍ଚାୟତ ଘର ଆଦିରେ ଏହି ବ୍ୟବସ୍ଥା ହୋଇଛି ବୋଲି ସେ କହିଛନ୍ତି ।
ଅନ୍ୟପଟେ ସେମାନେ ଆସିଲେ ରୋଜଗାରକୁ ନେଇ ଉଠୁଥିବା ପ୍ରଶ୍ନର ଉତ୍ତରରେ ସେ କହିଛନ୍ତି, ରାଜ୍ୟରେ ବିଭିନ୍ନ ବିଭାଗରେ କାର୍ଯ୍ୟ କରିବାକୁ ସୁବିଧା ରହିଛି । ଆମ ରାଜ୍ୟରେ କାର୍ଯ୍ୟ ଅଛି, ସେମାନଙ୍କୁ ଯୋଗାଇ ଦିଆଯିବ ।’ ସେପଟେ ଯେଉଁ ଶ୍ରମିକ ମାନେ ବାହାର ରାଜ୍ୟକୁ ଯାଉଛନ୍ତି କେବଳ ଅଧିକ ପଇସା ପାଇଁ ଯାଉଛନ୍ତି ବୋଲି ସେ କହିଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
