ଭୁବନେଶ୍ବର: ପୂଜା ପାଇଁ କମିଶନରେଟ ପୋଲିସର କଟକଣା । ରାତି ୧୨ ଟା ଯାଏ ବାଜି ପାରିବ ମାଇକ ଓ ସ୍ପିକର । ୧୨ଟା ପର୍ଯ୍ୟନ୍ତ ଚାଲିପାରିବ ମନୋରଞ୍ଜନ କାର୍ଯକ୍ରମ । ମେଲୋଡି ଓ ଅନ୍ୟାନ୍ୟ କାର୍ଯ୍ୟକ୍ରମ ୧୨ଟା ପୂର୍ବରୁ ସାରିବାକୁ ୧୦ ତାରିଖ ଯାଏ ନିର୍ଦେଶ ରହିଛି ।
ଏନେଇ ଟ୍ବିନିସିଟର ପୋଲିସ କମିଶନର ଦେଇଛନ୍ତି କଡା ଚେତାବନୀ । ତେବେ ପୂଜା ପେଣ୍ଡାଲରେ ମାଇକ ଓ ସ୍ପିକର ବଜାଇବା ପାଇଁ ୭୫ ଡେସିମଲ ଯାଏ ଅନୁମତି ଦିଆଯାଇଛି । ତା ସହିତ ଭାଇବ୍ରେଟର ବଜାଇବାକୁ ଅନୁମତି ନାହିଁ ।
ତେବେ ସୁରକ୍ଷା ଦୃଷ୍ଟିରୁ ଏଥର ପୋଲିସ ସହିତ ୨୦୦୦ ସ୍ପେଶାଲ ପୋଲିସ ଅଫିସର ପ୍ରଥମ ଥରପାଇଁ ନିୟୋଜିତ ଅଛନ୍ତି । ଭୁବନେଶ୍ବରରେ ୧୭୪ଟି ପୂଜାମଣ୍ଡପ ସ୍ଥାନରେ ୩୦ ପ୍ଲାଟୁନ ଓ କଟକରେ ୨୩୬ଟି ପୂଜାମଣ୍ଡପ ସହ ୬୩ ପ୍ଲାଟୁନ ଫୋର୍ସ ନିୟୋଜିତ ରହିଛନ୍ତି ।
ବିଶେଷ କରି ସ୍ପେଶାଲ ପୋଲିସ ଅଫିସର ଟ୍ରାଫିକ ନିୟନ୍ତ୍ରଣ, ଭିଡ ନିୟନ୍ତ୍ରଣ, ପୂଜା ମଣ୍ଡପ ନିକଟରେ ହେବାକୁ ଥିବା ପାର୍କିଂ ଉପରେ ଫୋକସ ଦେବେ । ତେବେ ଟ୍ରାଫିକ ନିୟନ୍ତ୍ରଣ ପାଇଁ ସ୍ବତନ୍ତ୍ର ଆଡଭାଇଜାରି ଦିଆଯାଇଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
