ଭୁବନେଶ୍ବର: ବିଜେଡି ବିଧାୟକ ତଥା ସମ୍ପାଦକ ସୌମ୍ୟ ପଟ୍ଟନାୟକଙ୍କ ସମ୍ପାଦକୀୟ 'ଶ୍ରେଣୀରେ ପ୍ରଥମ ହେଲା ପରେ ବି କପି ?' ଶୀର୍ଷକ ନେଇ ରାଜ୍ୟ ରାଜନୀତିରେ ଝଡ଼ ଉଠିଛି । ସୌମ୍ୟ କୋଭିଡ୍ ମୃତକଙ୍କ ସଂଖ୍ୟା ପ୍ରକଶ ନେଇ ମୁଖ୍ୟମନ୍ତ୍ରୀଙ୍କୁ ପ୍ରଶ୍ନ କରିବା ସହିତ ସ୍ବଚ୍ଛତା ପାଇଁ ଅନୁରୋଧ କରିଛନ୍ତି । ଏପଟେ ଏହି ପ୍ରସଙ୍ଗରେ ମାପିଚୁପି ପ୍ରତିକ୍ରିୟା ରଖିଛି ବିଜେଡି । ସରକାର କୌଣସି ଜାଗାରେ ବି ତଥ୍ୟ ଲୁଚେଇ ନାହାନ୍ତି ବୋଲି ରୋକଠୋକ୍ ପ୍ରତିକ୍ରିୟା ଦେଇଛନ୍ତି ସରକାରୀ ଦଳର ମୁଖ୍ୟ ସଚେତକ ପ୍ରମିଳା ମଲ୍ଲିକ ।
ସରକାର କୌଣସି ଜାଗାରେ ତଥ୍ୟ ଲୁଚେଇ ନାହାନ୍ତି: ପ୍ରମିଳା
ଶାସକ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକଙ୍କ କହିବା କଥା, କୌଣସି ଜାଗାରେ ସରକାର ତଥ୍ୟ ଲୁଚେଇ ନାହାନ୍ତି । ସୌମ୍ୟଙ୍କ ନାଁ ନ ନେଇ ପ୍ରମିଳା କହିଛନ୍ତି ଯେ, କେଉଁଠି ଲୁଚା ହୋଇଛି, କିଏ ମରିଯାଇଛି । ତାଙ୍କର କେଉଁ ତଥ୍ୟ ଲୁଚାଯାଇଛି ତାଙ୍କୁ ପଚାରନ୍ତୁ । ସେ କହିବେ । ସରକାର କୌଣସି ଜାଗାରେ ବି ତଥ୍ୟ ଲୁଚେଇ ନାହାନ୍ତି ବୋଲି ପ୍ରମିଳା କହିଛନ୍ତି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
