ଭୁବନେଶ୍ବର: ନୂଆ ମୋଟରଯାନ ଆଇନ ଲାଗୁ କରିବାକୁ ସବୁ ଥାନାକୁ ଦିଆଗଲା କ୍ଷମତା । ରାଜ୍ୟ ସରକାର ପକ୍ଷରୁ ଏଥିଲାଗି ଗେଜେଟ ନୋଟିଫିକେସନ କରାଯାଇଛି। ପରିବହନ ବିଭାଗ ପ୍ରମୁଖ ସଚିବ ଏନେଇ ବିଜ୍ଞପ୍ତି ପ୍ରକାଶ କରିଛନ୍ତି।
ଗ୍ରାମାଞ୍ଚଳରେ ଏଏସଆଇ ଓ ସହରାଞ୍ଚଳରେ ଏସଆଇ ପାହ୍ୟାର ଅଧିକାରୀ ଯାଞ୍ଚ ପ୍ରକ୍ରିୟାରେ ସାମିଲ ହୋଇପାରିବେ। କିପରି ଏହି ଆଇନ କଡାକଡି ଭାବେ ରାଜ୍ୟବ୍ୟାପୀ ଲାଗୁ କରାଯିବ ସେନେଇ ବିଭାଗ କ୍ଷମତା ଦେଇଛି। ସବୁ ଥାନାର ଅଧିକାରୀ ଏଣିକି ଧରପଗଡରେ ସାମିଲ ହୋଇପାରିବେ। ସେପ୍ଟେମ୍ବର ପହିଲାରୁ ଏହା ଲାଗୁ ହୋଇଛି। 3 ବର୍ଷ ପାଇଁ ଏହି କ୍ଷମତା ଥାନା ଗୁଡିକୁ ଦିଆଯାଇଛି।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
