ଭୁବନେଶ୍ବର: ବିଦ୍ୟୁତ୍ ଉତ୍ପାଦନ କ୍ଷେତ୍ରରେ ରାଜ୍ୟ ଅଗ୍ରଣୀ ସ୍ଥାନରେ ରହିଛି । ତଥାପି ରାଜ୍ୟରେ ହୁହୁ ହୋଇ ବଢି ଚାଲିଛି ବିଜୁଳି ଦର । ବିଜୁଳି ମହାଙ୍ଗା ମାଡରୁ ଉପଭୋକ୍ତାଙ୍କୁ ରକ୍ଷା କରିବା ପାଇଁ ପୋଷ୍ଟକାର୍ଡ ଅଭିଯାନ ଆରମ୍ଭ କରିଛି ସାମାଜିକ ନ୍ୟାୟ ଅଭିଯାନ । ଏହି ପୋଷ୍ଟକାର୍ଡ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପଠାଇ ବିଜୁଳି ଦର କମାଇବା ପାଇଁ ଦାବି କରାଯିବ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ତେବେ ବିଦ୍ୟୁତ୍ ଉତ୍ପାଦନ କ୍ଷେତ୍ରରେ ଆଗରେ ରହିଥିବା ବେଳେ କିଛି ଅଧିକାରୀ କଳାବଜାରୀ କରି ଲୋକଙ୍କ ଅର୍ଥ ଶୋଷଣ କରୁଛନ୍ତି । ଏପରିକି ରାଜ୍ୟ ଠାରୁ ବିଦ୍ୟୁତ୍ କିଣୁ ଥିବା ରାଜ୍ୟମାନେ ମାଗଣାରେ ବିଜୁଳି ଦେଉଛନ୍ତି । ଓଡିଶା ଭଳି ରାଜ୍ୟରେ ଉପଭୋକ୍ତା ବିଦ୍ୟୁତ୍ ପାଇଁ ଚଢା ଦର ଦେବା ଅତ୍ୟନ୍ତ ଦୁର୍ଭାଗ୍ୟ ଜନକ ବୋଲି କହିଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀକାନ୍ତ ଜେନା ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
