ଭୁବନେଶ୍ବର: +୨ ଫଳ ପ୍ରକାଶ ପରେ ଅସନ୍ତୋଷ ଛାତ୍ରଛାତ୍ରୀ ଘେରିଲେ CHSE କାର୍ଯ୍ୟାଳୟ। CHSE ର କୌଣସି ପରୀକ୍ଷା ଦେଇନଥିବା ଛାତ୍ରଛାତ୍ରୀଙ୍କୁ ମନ ଇଚ୍ଛା ମାର୍କ ଦେଇ ଫେଲ କରିଥିବା ଅଭିଯୋଗ ଆଣିଛନ୍ତି ଛାତ୍ରଛାତ୍ରୀ।
+୨ ରେଜଲ୍ଟକୁ ନେଇ CHSE କାର୍ଯ୍ୟାଳୟ ଘେରିଲେ ଅସନ୍ତୋଷ ଛାତ୍ରଛାତ୍ରୀ
ଗତବର୍ଷ +୨ ରେ କୌଣସି ପରୀକ୍ଷା ଦେଇନଥିବା ପିଲାମାନଙ୍କୁ ଦଶମ ଶ୍ରେଣୀ ଆଧାରରେ ମାର୍କ ଦେବାକୁ ଛାତ୍ରଛାତ୍ରୀ ଦାବି କରିଛନ୍ତି। କିନ୍ତୁ CHSE ମନ ଇଚ୍ଛା ମାର୍କ ଦେଇ କାହାକୁ ଫେଲ କରିଛି ତ କାହାର ମାର୍କ ଉଇଥ ହୋଲ୍ଡ କରିଛି। ଏନେଇ ଛାତ୍ରଛାତ୍ରୀମାନେ ପରୀକ୍ଷା ନିୟନ୍ତ୍ରକଙ୍କ ନିକଟରେ ଲିଖିତ ଅଭିଯୋଗ କରିବା ପରେ ମଧ୍ୟ ଦଶମ ଶ୍ରେଣୀ ଆଧାରରେ ମାର୍କ ଦେଇହେବ ନାହିଁ ବୋଲି ସେ ସିଧାସଳଖ ମନା କରିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
