ଭୁବନେଶ୍ବର: ଲକଡାଉନ ଓ ସଟଡାଉନବେଳେ ବିବାହ ଓ ଅନ୍ତ୍ୟେଷ୍ଟିକ୍ରିୟା ପାଇଁ ଏଣିକି ମିଳିବ ଅନୁମତି । ଏଥିପାଇଁ କମିଶନରେଟ ପୋଲିସ ପକ୍ଷରୁ ଇ-ପାସର ବ୍ଯବସ୍ଥା ହୋଇଛି । ଯାହାକୁ ନେବାକୁ ହେଲେ ପୋଲିସ ପାଖକୁ ଯିବାକୁ ପଡିବ ନାହିଁ । ଘରେ ଥାଇ ପାଇପାରିବେ ଅନୁମତି ପତ୍ର ।
ଏଥିପାଇଁ ଅନଲାଇନରେ କମିଶନରେଟ ପୋଲିସର ୱେବସାଇଟରେ ଯାଇ ୭୨ ଘଣ୍ଚା ପୂର୍ବରୁ
www.bhubaneswarcuttackpolice.gov.in ମାଧ୍ୟମରେ ନିଜର ତଥ୍ଯ ଦେଇ ରେଜିଷ୍ଟ୍ରେସନ ପରେ ମିଳିବ ଇ-ପାସ । ଯାହାକି ଆପଣଙ୍କ ରେଜିଷ୍ଟର ମୋବାଇଲ ନମ୍ବରରେ ହ୍ବାଟସଆପ୍ କିମ୍ବା ମେସେଜ ଜରିଆରେ ପାଇପାରିବେ । ନଚେତ୍ 115.243.153.201:8088/Admin/Login ରେ ଲଗଇନ୍ କରି ମଧ୍ଯ ଅନୁମତି ପତ୍ର ପାଇଁ ଆବେଦନ କରିପାରିବେ ।
ତେବେ ବାହାଘର ପାଇଁ ୫୦ ଜଣ ଓ ଅନ୍ତ୍ୟେଷ୍ଟିକ୍ରିୟା ପାଇଁ ୨୦ ଜଣକୁ ଅନୁମତି ରହିଛି । ବର୍ତମାନ ଏହି ସେବା କେବଳ ଭୁବନେଶ୍ବର ବାସୀଙ୍କ ପାଇଁ ଉପଲବ୍ଧ ରହିବ । ଖୁବଶୀଘ୍ର କଟକ ସହରାଞ୍ଚଳ ପୋଲିସରେ ଆରମ୍ଭ ହେବ ଏହି ବ୍ଯବସ୍ଥା।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
