ଭୁବନେଶ୍ବର: ପଞ୍ଚାୟତ ନିର୍ବାଚନ(PanchayatElectiin) ର ମତଦାନ ପୂର୍ବରୁ ବିଜେଡିର ବଡ ଦମ୍ଭୋକ୍ତି । ଦଳ ସାରା ରାଜ୍ୟରେ ୮୦୦ରୁ ଅଧିକ ଜିଲ୍ଲା ପରିଷଦ ଆସନରେ ବିଜୟୀ ହେବ ବୋଲି କହିଛନ୍ତି ବରିଷ୍ଠ ବିଧାୟିକା ତଥା ସରକାରୀ ଦଳର ମୁଖ୍ୟ ସଚେତକ ପ୍ରମିଳା ମଲ୍ଲିକ (BJD chief whip Pramila Mallick ) ।
ଆଜି ଗଣମାଧ୍ୟମକୁ ସୂଚନା ଦେଇ ପ୍ରମିଳା କହିଛନ୍ତି ବିଜେଡି ଲୋକଙ୍କ ସହ ରହିଛି । ନବୀନ ପଟ୍ଟନାୟକ ସରକାର ସମସ୍ତ ଯୋଜନାକୁ ଲୋକେ ଗ୍ରହଣ କରିଛନ୍ତି । ଲୋକଙ୍କ ପାଇଁ ସରକାର ସମର୍ପିତ । ତେଣୁ ଲୋକେ ବିନା ଦ୍ବିଧାରେ ବିଜେଡି ପ୍ରାର୍ଥୀଙ୍କୁ ଭୋଟ ଦେବେ । ବରଗଡ ଜିଲ୍ଲାରେ ଯାହାର ଝଲକ ଦେଖାଦେଇଛି । ସ୍ବାଧୀନ ପ୍ରାର୍ଥୀ ବିଜେଡି ପାଇଁ ସମସ୍ୟା ନୁହେଁ । ତେଣୁ ଆମେ ଚିନ୍ତିତ ନାହୁଁ ।
ସେହିଭଳି ପଛୁଆବର୍ଗ(ଓବିସି)ଙ୍କୁ ପ୍ରାର୍ଥୀ ପ୍ରସଙ୍ଗରେ ପ୍ରମିଳା କହିଛନ୍ତି, ଆମେ ଯାହା କହିଥିଲୁ ତାହା କରି ଦେଖାଇଛୁ । ଦଳ 40 ପ୍ରତିଶତରୁ ଅଧିକ ଜିଲ୍ଲା ପରିଷଦ ପ୍ରାର୍ଥୀ ଓବିସି ବର୍ଗରୁ ଦେଇଛି । ପୁରା ସଠିକ ତାଲିକା ଖୁବଶୀଘ୍ର ଜଣାପଡିବ ।
ସେହିପରି ବିଜେପି ଓ କଂଗ୍ରେସକୁ ସମାଲୋଚନା କରି ପ୍ରମିଳା କହିଛନ୍ତି, ସେମାନେ ଖାଲି ପ୍ରତିଶୃତି ଦେବେ । ଲୋକଙ୍କୁ ଭୂଆଁ ବୁଲାଇବେ । ଲୋକେ ତାଙ୍କୁ ଚିହ୍ନିଛନ୍ତି । ତେଣୁ ନିର୍ବାଚନରେ ବିଜେଡି ବିପୁଳ ସଫଳତା ପାଇବ ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
