ଭୁବନେଶ୍ବର: ଦିନକୁ ଦିନ ବଢିବାରେ ଲାଗିଛି ଛାତ୍ରଛାତ୍ରୀଙ୍କ ଆନ୍ଦୋଳନ । ଓୟୁଏଟିର ହଟି କଲଚର ଓ ଏଗ୍ରି କଲଚର ଛାତ୍ରଛାତ୍ରୀଙ୍କ ଭିତରେ ଚାଲିଛି ଛକାପଞ୍ଝାର ଖେଳ । କିଛିଦିନ ପୂର୍ବରୁ ଉଦ୍ୟାନ କୃଷି ବିଭାଗର ଛାତ୍ରଛାତ୍ରୀମାନେ ସହକାରୀ କୃଷି ଅଧିକାରୀ ପଦବୀ ନେଇ ସେମାନେ ଯୋଗ୍ୟ ବିବେଚିତ ବୋଲି କହି ଧାରଣାରେ ବସିଥିଲେ।
ଏହାକୁ ସରକାରୀ ସ୍ତରରେ ଓୟୁଏଟି ସ୍ବୀକୃତି ମଧ୍ୟ ଦେଇଥିଲା। ମାତ୍ର ଏହାକୁ ମାନିନଥିଲେ କୃଷି ବିଭାଗର ଛାତ୍ରଛାତ୍ରୀ । ଯାହାକୁ ବିରୋଧ କରି ଶନିବାର କୃଷି ବିଭାଗର ଛାତ୍ରଛାତ୍ରୀମାନେ ଆନ୍ଦୋଳନରେ ବସିଥିଲେ।
ସେମାନଙ୍କ କହିବା ଅନୁସାରେ, ଉଦ୍ୟାନ କୃଷି ମହାବିଦ୍ୟାଳୟରେ କୃଷି ପାଠ୍ୟକ୍ରମ ନଗନ୍ୟ, ତେଣୁ କିଭଳି ଉଦ୍ୟାନ ବିଭାଗର ଛାତ୍ରଛାତ୍ରୀ ସହକାରୀ କୃଷି ଅଧିକାରୀ ପଦବୀ ପାଇଁ ଯୋଗ୍ୟ ବୋଲି ପ୍ରଶ୍ନ ଉଠାଇଛନ୍ତି ।
ଅନ୍ୟପଟେ ସରକାର ଯଦି ଏ ବିଷୟରେ ଧ୍ୟାନ ନଦେଇ ଏହାର କିଛି ସମାଧାନ ନକରନ୍ତି, ତେବେ ଆଗାମୀ ଦିନରେ ଆନ୍ଦୋଳନ ଆହୁରି ତେଜିବ ବୋଲି କୃଷି ବିଭାଗର ଛାତ୍ରଛାତ୍ରୀ ପ୍ରକାଶ କରିଛନ୍ତି।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
