ଭୁବନେଶ୍ବର: ସ୍ମାର୍ଟସିଟିରେ ଲଜ୍ଜା। ବୁଲେଇନେବା ବାହାନାରେ ନାବାଳିକାକୁ ଦୁଷ୍କର୍ମ। କ୍ୟାପିଟାଲ ଥାନା ଅଞ୍ଚଳରେ ଘଟିଛି ଏଭଳି ଲଜ୍ଜା ଜନକ ଘଟଣା। ଏନେଇ କ୍ୟାପିଟାଲ ଥାନାରେ ଏତଲା ପରେ ଅଭିଯୁକ୍ତକୁ ଗିରଫ କରିଛି କମିସନରେଟ ପୋଲିସ। ଅଭିଯୁକ୍ତର ନାଁ ଅଭିଶେକ ନାୟକ। ତା ଘର ଜଟଣି ଅଞ୍ଚଳର ବୋଲି ଜଣାପଡ଼ିଛି।
ମିଳିଥିବା ତଥ୍ୟ ଅନୁସାରେ ଘରେ ଥିବା ୧୨ ବର୍ଷର ନାବାଳିକାକୁ ବୁଲେଇନେବା ବାହାନାରେ ଭୁବନେଶ୍ବର ବାହାରକୁ ନେଇଯାଇଥିଲା ଅଭିଯୁକ୍ତ। ପରେ ଘରକୁ ନାବାଳିକା ଜଣକ ଫେରି ନଥିବାରୁ ଘର ଲୋକେ ଥାନାର ଦ୍ବାରସ୍ଥ ହୋଇଥିଲେ। ପୋଲିସ ନାବାଳିକା ସହ ଯୋଗାଯୋଗରେ ଥିବା ଓ ଶେଷ ଥର ପାଇ କାହା ସହ ଥିଲା , ପଚରା ଉଚରା ପରେ ତଦନ୍ତ ଆରମ୍ଭ କଲା ପୋଲିସ । ପରେ ପୋଲିସ ନାବାଳିକୁ ଉଦ୍ଧାର କରି ଅଭିଯୁକ୍ତକୁ ଗିରଫ କରିଛି ।
ଏନେଇ ଅଭିଯୁକ୍ତକୁ ଦୁଷ୍କର୍ମ ଓ ପୋସ୍କୋ ଆକ୍ଟରେ କୋର୍ଟ ଚାଲାଣ କରାଯାଇଛି। ନାବାଳିକାକୁ ପରିବାର ଲୋକଙ୍କୁ ହସ୍ତାନ୍ତର କରିଛି ପୋଲିସ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
