ଭୁବନେଶ୍ବର: କୋଲକାତା ଝିଅ ହେଲେ ଯାଜପୁର ବୋହୂ। ଓଲିଉଡ ଅଭିନେତ୍ରୀ ଝିଲିକ ଭଟ୍ଟାଚାର୍ଯ୍ୟ ବୁଧବାର ଦିନ ହାତରୁ ଦି ହାତ ହୋଇଛନ୍ତି। ଆଉ ଝିଲିକଙ୍କ ହାତ ଧରିଛନ୍ତି ଯାଜପୁରର ସୁକିନ୍ଦା ବିଧାୟକ ପ୍ରୀତିରଞ୍ଜନ ଘଡ଼ାଇ(ଡ୍ୟାନି)। ମାର୍ଚ୍ଚ ୧୧ରେ ଉଭୟଙ୍କ ବିବାହ ସମ୍ପନ୍ନ ହୋଇଛି ।
ବିବାହ ମୋ ପାଇଁ ସରପ୍ରାଇଜ:ଝିଲିକ୍
ଏନେଇ ଅଭିନେତ୍ରୀ ଝିଲିକ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଫଟୋ ସେୟାର କରି ସୂଚନା ଦେଇଥିଲେ । ତେବେ ବିବାହର ପରଦିନ ଅର୍ଥାତ ଗୁରୁବାର ଉଭୟେ ଅନାଥାଶ୍ରମ ପରିଦର୍ଶନ କରିବା ସହ ସେଠାରେ ପିଲାଙ୍କ ସହ ସମୟ ଅତିବାହିତ କରିଥିଲେ ।
ସୂଚନାଯୋଗ୍ୟ, ବରିଷ୍ଠ ବିଜେଡି ନେତା ତଥା ପୂର୍ବତନ ଅର୍ଥମନ୍ତ୍ରୀ ପ୍ରଫୁଲ୍ଲ ଘଡ଼ାଇଙ୍କ ପୁଅ ତଥା ସୁକିନ୍ଦା ବିଧାୟକ ପ୍ରୀତିରଞ୍ଜନ ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
