ଭୁବନେଶ୍ବର: ସେଲ୍ଫ ଫାଇନାନ୍ସିଂ କୋର୍ସ ନେଇ ନିଷ୍ପତ୍ତି ବଦଳାଇଲେ ଉଚ୍ଚ ଶିକ୍ଷା ବିଭାଗ । ପୂର୍ବଭଳି କଲେଜ ଗୁଡ଼ିକରେ ସେଲ୍ଫ ଫାଇନାନ୍ସିଂ କୋର୍ସ ଚାଲୁ ରହିବାକୁ ନିଷ୍ପତ୍ତି ହୋଇଛି । 20% ପିଲାଙ୍କୁ ସେଲ୍ଫ ଫାଇନାନ୍ସିଂରେ ନେବାକୁ ନିର୍ଦ୍ଦେଶ ରହିଥିଲା ।
ଏହା ବି ପଢନ୍ତୁ- ସେଲ୍ଫ ଫାଇନାନ୍ସ କୋର୍ସରେ ପରିବର୍ତ୍ତନ, 600 ସିଟ୍ରେ 120ଟି SFC ପାଠ୍ୟକ୍ରମ
ନିଷ୍ପତ୍ତି ପରିବର୍ତ୍ତନ ନେଇ ଉଚ୍ଚଶିକ୍ଷା ବିଭାଗ ଅତିରିକ୍ତ ସଚିବଙ୍କ ଚିଠି । ପୂର୍ବଭଳି କଲେଜଗୁଡ଼ିକରେ ସେଲ୍ଫ ଫାଇନାନ୍ସିଂ କୋର୍ସ ଚାଲୁ ରହିବାକୁ ନିଷ୍ପତ୍ତି ହୋଇଛି । ସେଲ୍ଫ ଫାଇନାନ୍ସିଂ କୋର୍ସ କାଟଛାଣ୍ଟ କରିବାକୁ ପୂର୍ବରୁ ନିର୍ଦ୍ଦେଶ ଥିଲା । ମାତ୍ର 20% ପିଲାଙ୍କୁ ସେଲ୍ଫ ଫାଇନାନ୍ସିଂରେ ନେବାକୁ ନିର୍ଦ୍ଦେଶ ଥିଲା । ତେବେ ସୂଚନା ଥାଉ କି ବିଶ୍ବ ବିଦ୍ୟାଳୟରେ ସେଲ୍ଫ ଫାଇନାନ୍ସ କୋର୍ସରେ କଟକଣା ଲଗାଯାଇଥିଲା । ସେଲ୍ଫ ଫାଇନାନ୍ସ କୋର୍ସ ଦ୍ବାରା ନିୟମିତ ପାଠ୍ୟକ୍ରମ ପ୍ରଭାବିତ ହେଉଛି।
ଏଣୁ ସେଲ୍ଫ ଫାଇନାନ୍ସ କୋର୍ସ ବିଶ୍ବବିଦ୍ୟାଳୟ ସିଟ୍ର ୨୦ ପ୍ରତିଶତ ଭିତରେ ସୀମିତ ରଖିବାକୁ କୁଳାଧିପତିଙ୍କ ସଚିବାଳୟରୁ ବିଶ୍ବବିଦ୍ୟାଳୟ କର୍ତ୍ତୃପକ୍ଷଙ୍କୁ ନିର୍ଦ୍ଦେଶନାମା ଜାରି ହୋଇଥିଲା । 2022-23 ଅର୍ଥାତ ଆଗାମୀ ଶିକ୍ଷାବର୍ଷରୁ ଏହାକୁ ଲାଗୁ କରିବାକୁ କୁହାଯାଇଥିଲା । ହେଲେ ଶିକ୍ଷା ବିଭାଗ ନିଜର ନିଷ୍ପତ୍ତି ବଦଳାଇଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
