ଭୁବନେଶ୍ବର: ରାଜ୍ୟରେ ଜାରି ରହିଛି ଲଘୁଚାପଜନିତ ବର୍ଷା । ୨୫ ଅଗଷ୍ଟ ପର୍ଯ୍ୟନ୍ତ ଓଡ଼ିଶାରେ ଦକ୍ଷିଣ-ପଶ୍ଚିମ ମୌସୁମୀର ସ୍ଥିତି, ୧ ଜୁନରୁ ୨୫ ଅଗଷ୍ଟ ୨୦୨୦ ମଧ୍ୟରେ ଓଡ଼ିଶାରେ ୮୩୮.୨ ମିମି ବର୍ଷା ରେକର୍ଡ ହୋଇଛି, ଯାହା ସ୍ୱାଭାବିକ ବର୍ଷା ୮୬୧.୭ ମିମି ଠାରୁ ୩ ପ୍ରତିଶତ କମ ଥିବା ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି ।
ଓଡ଼ିଶାର ୪ଟି ଜିଲ୍ଲା ଖୋର୍ଦ୍ଧା (-୨୭%), ବାଲେଶ୍ୱର (-୨୪%), ଗଜପତି (-୨୦%) ଏବଂ ପୁରୀ (-୨୦%) ଠାରେ ସ୍ୱାଭାବିକ ବର୍ଷା ଠାରୁ କମ ବର୍ଷା ରେକର୍ଡ କରାଯାଇଛି । ସେହିପରି ଓଡ଼ିଶାର ୨୫ଟି ଜିଲ୍ଲାରେ ସ୍ୱାଭାବିକ ବର୍ଷା ରେକର୍ଡ କରାଯାଇଛି ।
ରାଜ୍ୟର ଗୋଟିଏ ଜିଲ୍ଲା ମାଲକାନଗିରିରେ ସ୍ୱାଭାବିକ ବର୍ଷା ଠାରୁ ୫୨ ପ୍ରତିଶତ ଅଧିକ ବର୍ଷା ରେକର୍ଡ କରାଯାଇଛି । ଖୋର୍ଦ୍ଧାରେ ସର୍ବନିମ୍ନ ୫୮୧.୫ ମିମି ଯାହା ସ୍ଵାଭାଵିକ ବର୍ଷା ୮୦୦.୩ ମିମି ଠାରୁ ୨୭ ପ୍ରତିଶତ କମ ବର୍ଷା ରେକର୍ଡ କରାଯାଇଛି । ମାଲକାନଗିରି ଜିଲ୍ଲାରେ ସର୍ବାଧିକ ୧୪୩୯.୮ ମିମି, ଯାହା ସ୍ୱାଭାବିକ ବର୍ଷା ୯୪୮.୧ ମିମି ଠାରୁ ୫୨ ପ୍ରତିଶତ ଅଧିକ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
