ଭୁବନେଶ୍ବର: ଆଜିଠୁ ସଂସଦର ମୌସୁମୀ ଅଧିବେଶନ ଆରମ୍ଭ। ଏହି ସମୟରେ ଓଡିଶାର ସ୍ବାର୍ଥ ସମ୍ବଳିତ ଅନେକ ପ୍ରସଙ୍ଗ ଉଠିବ ବୋଲି ଜଣାପଡିଛି । ବିଜେପି ଓ କଂଗ୍ରେସ ଏନେଇ ଏଜେଣ୍ଡା ପ୍ରସ୍ତୁତ କରିଥିବା ଉଭୟ ଦଳର ନେତା କହିଛନ୍ତି।
ସଂସଦରେ ଉଠିବ ଓଡିଶାର ସ୍ବାର୍ଥ ପ୍ରସଙ୍ଗ
ପ୍ରଧାନମନ୍ତ୍ରୀ ଆବାସ ଯୋଜନାରେ ଅନିୟମିତତା, ଅଯୋଗ୍ୟ ଘର ହାତେଇବା, ପିଏମ କିଷାନରେ ତାଲିକା ରାଜ୍ୟ ନଦେବା, କୋଭିଡ ପରିଚାଳନା ତ୍ରୁଟି ଏହାକୁ ପ୍ରସଙ୍ଗ କରିବ ବିଜେପି । ସଂସଦରେ ଏସମସ୍ତ ପ୍ରସଙ୍ଗ ବିଜେପି ଉଠାଇବ ବୋଲି ବିଜେପି ସାଂସଦ ବସନ୍ତ ପଣ୍ଡା କହିଛନ୍ତି ।
ସେହିଭଳି ପ୍ରଶ୍ନକାଳ ବାତିଲ କରିବା, କୋଭିଡ ପରିଚାଳନା ତ୍ରୁଟି ଓ ପ୍ରବାସୀ ଶ୍ରମିକ ଆଦି ପ୍ରସଙ୍ଗ ସଂସଦରେ ଉଠାଇବ କଂଗ୍ରେସ । ଏନେଇ ଓଡିଶାରୁ କଂଗ୍ରେସର ଏକମାତ୍ର ସାଂସଦ ସପ୍ତଗିରି ଉଲାକା କହିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
