ଭୁବନେଶ୍ବର: ବରିଷ୍ଠ ଆଇଏଏସ ସ୍ତରରେ ଅଦଳ ବଦଳ କଲେ ରାଜ୍ୟ ସରକାର । ଏନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।
ବରିଷ୍ଠ ଆଇଏଏସ ତଥା ଅର୍ଥ ସଚିବ ଅଶୋକ ମୀନା ହେଲେ ପଞ୍ଚାୟତରାଜ ଓ ପାନୀୟ ଜଳ ଯୋଗାଣ ସଚିବ । ବର୍ତ୍ତମାନ ପର୍ଯ୍ୟଟନ ସଚିବ ଥିବା ବିଶାଳ ଦେବଙ୍କୁ ଅର୍ଥ ସଚିବ ଭାବେ ବଦଳି କଲେ ସରକାର । ପଞ୍ଚାୟତରାଜ ସଚିବ ଥିବା ଡିକେ ସିଂଙ୍କୁ ଖଣି ଓ ଇସ୍ପାତ ବିଭାଗ ଦାୟିତ୍ବ ।
ଇସ୍ପାତ ଓ ମାଇନ୍ସ ବିଭାଗର ପ୍ରମୁଖ ଶାସନ ସଚିବ ଥିବା ସୁରେନ୍ଦ୍ର କୁମାରଙ୍କୁ ସାଧାରଣ ପ୍ରଶାସନ ବିଭାଗର ପ୍ରମୁଖ ଶାସନ ସଚିବ ଭାବେ ବଦଳି କରାଯାଇଛି । ଏହାସହ ତାଙ୍କୁ ପର୍ଯ୍ୟଟନ ବିଭାଗର ପ୍ରମୁଖ ଶାସନ ସଚିବ ଭାବେ ଅତିରିକ୍ତ ଦାୟିତ୍ବ ଦିଆଯାଇଛି ।
ଅନ୍ୟପଟେ ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ସଚିବ ଥିବା ଆର ଭିନିଲ କ୍ରିଷ୍ଣାଙ୍କୁ ମିଳିଛି ଆଉ ଏକ ଅତିରିକ୍ତ ଦାୟିତ୍ବ । କ୍ରୀଡା ଓ ଯୁବ ସେବା ବିଭାଗର ଅତିରିକ୍ତ ଦାୟିତ୍ବ ତୁଳାଇବେ ଭିନିଲ ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
