ଭୁବନେଶ୍ବର: ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଆଜି ଆର୍ଥିକ ବର୍ଷ 2021-22 ପାଇଁ ବଜେଟ ଉପସ୍ଥାପନ କରିଛନ୍ତି ।
ଏହି ବଜେଟରେ ଦୁର୍ବଳ ସ୍ବାସ୍ଥ୍ୟ ସେବାକୁ ମଜବୁତ ପାଇଁ 13 ହଜାର କୋଟି ଟଙ୍କାର ବ୍ୟୟ ବରାଦ ହୋଇଛି । ରାଜ୍ୟରେ ବିଶ୍ବ ସ୍ତରୀୟ ସ୍ବାସ୍ଥ୍ୟ ସେବା ଯୋଗାଇଦେବା ପାଇଁ କଟକ ଏସସିବିକୁ ‘‘ଏମ୍ସ ପ୍ଲସ ପ୍ରତିଷ୍ଠାନରେ ରୂପାନ୍ତରିତ ପାଇଁ ଘୋଷଣା ହୋଇଛି ।
SCB ପାଇଁ 3 ବର୍ଷରେ 3 ହଜାର 5ଶହ କୋଟି ଟଙ୍କା ବ୍ୟୟ ହେବ । ଏଥିସହ ଏସସିବିକୁ ଏକ 5 ହଜାର ଶଯ୍ୟା ବିଶିଷ୍ଟ ଚିକିତ୍ସାଳୟରେ ପରିବର୍ତ୍ତନ କରାଯିବ । ମାଗଣା ସ୍ବାସ୍ଥ୍ୟ ସେବା ପାଇଁ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଅଧିନେର 1353 କୋଟି ଟଙ୍କା ଆବଣ୍ଟନ ହୋଇଛି ।
ଉତ୍କୃଷ୍ଟ ସ୍ଵାସ୍ଥ୍ୟ ସେବା ଓ ସ୍ଵାସ୍ଥ୍ୟବୀମା ଉପଲବ୍ଧ କରାଇବା ପାଇଁ 9 ହଜାର 1 ଶହ 64 କୋଟି ଟଙ୍କା ବ୍ୟୟ ବରାଦ । 70 ଲକ୍ଷରୁ ଉର୍ଦ୍ଧ୍ବ ଆର୍ଥିକ ଦୃଷ୍ଟରିୁ ଦୁବର୍ଳ ପରିବାର 5 ଲକ୍ଷ ଟଙ୍କାର ବାର୍ଷିକ ସ୍ଵାସ୍ଥ୍ୟବୀମା ଏବଂ ପରବାରର ମହିଳା ସଦସ୍ୟଙ୍କ ପାଇଁ 10 ଲକ୍ଷ ଟଙ୍କାର ସ୍ଵାସ୍ଥ୍ୟବୀମା ଯୋଗାଇ ଦିଆଯାଉଛି । ଏହି ଯୋଜନା ପାଇଁ 1 ହଜାର 3 ଶହ 53 କୋଟି ଟଙ୍କା ବ୍ୟୟ ବରାଦ ହୋଇଛି ।
ମୁଖ୍ୟମନ୍ତ୍ରୀ ସ୍ବାସ୍ଥ୍ୟ ସେବା ମିଶନ ଅଧିନରେ ସ୍ବାସ୍ଥ୍ୟ କ୍ଷେତ୍ରରେ ଭିତ୍ତିଭୂମି ନିର୍ମାଣ ଏବଂ ସେବା ଯୋଗାଇବାକୁ 1 ହଜାର 5 ଶହ 72 କୋଟି ଟଙ୍କା ଆବଣ୍ଟନ ହୋଇଛି । ସ୍ବାସ୍ଥ୍ୟ ସେବା, ଆମ୍ବୁଲାନ୍ସ ଓ ଭିତ୍ତିଭୂମି ନିର୍ମାଣ ପାଇଁ ଜାତୀୟ ସ୍ବାସ୍ଥ୍ୟ ମିଶନ ଅଧିନରେ 1 ହଜାର 7 ଶହ 55 କୋଟି ଟଙ୍କା ବ୍ୟୟ ବରାଦ ହୋଇଛି ।
ଜନସ୍ବାସ୍ଥ୍ୟ କେନ୍ଦ୍ରରେ ପରିମଳ ବ୍ୟବସ୍ଥା, ସଫେଇ , ନିରାପତ୍ତା , ଉଦ୍ୟାନ କାର୍ଯ୍ୟ ଓ ଲିଫ୍ଟ ସେବା ଆଦିର ଗୁଣାତ୍ମକ ମାନ ବୃଦ୍ଧି ପାଇଁ ନିର୍ମଳ ଯୋଜନା ଅଧିନରେ 3 ଶହ 70 କୋଟି ଟଙ୍କା ବ୍ୟୟ ବରାଦ କରାଯାଇଛି ।
ରାଜ୍ୟର ପ୍ରମୁଖ ସ୍ବାସ୍ଥ୍ୟ କେନ୍ଦ୍ର ତଥା ଜିଲ୍ଲା ମୁଖ୍ୟ ଚିକିତ୍ସାଳୟଗୁଡିକରେ ଉନ୍ନତମାନର ଉପକରଣ ଓ ଯନ୍ତ୍ରପାତି ଯୋଗାଇ ଦେବା ସହ ସ୍ବାସ୍ଥ୍ୟ ସେବାର ମାନ ବୃଦ୍ଧି କରବା ପାଇଁ 1 ଶହ 17 କୋଟି ଟଙ୍କା ବ୍ୟୟବରାଦ କରାଯାଇଛି । ଆହୁରି ମଧ୍ୟ ସ୍ଵାସ୍ଥ୍ୟ ଏବଂ ଭେଷଜ ଶକ୍ଷା କ୍ଷେତ୍ରରେ ମାନବ ସମ୍ଵଳର ବିକାଶ ଲାଗି 3 ଶହ 12 କୋଟି ଟଙ୍କା ବ୍ୟୟ ବରାଦ ହୋଇଛି ।
ସଡକ ଦୁର୍ଘଟଣାର ଶିକାର ହେଉଥିବା ଲୋକଙ୍କୁ ମାଗଣା ଜରୁରୀକାଳୀନ ସ୍ବାସ୍ଥ୍ୟ ସେବା Trauma Care ଯୋଗାଇଦେବା ପାଇଁ 40 କୋଟି ଟଙ୍କା ବ୍ୟୟ ବରାଦରେ ଏକ ନୂଆ ଯୋଜନା Free Treatment For Trauma Fund” ପ୍ରଚଳନ ପାଇଁ ପ୍ରସ୍ତାବ ରହିଛି ।
ନିରାମୟ ଯୋଜନାରେ ମାଗଣା ଔଷଧ ଯୋଗାଇ ଦେବା ପାଇଁ 6 ଶହ କୋଟି ଟଙ୍କା ନିଦାନ ଯୋଜନା ଅଧିନରେ ଦେୟମୁକ୍ତ ଭାବେ ରୋଗ ନିରୁପଣ ପାଇଁ 2 ଶହ 29 କୋଟି ଟଙ୍କା ଓ ଓଡିଶା ରାଜ୍ୟ ଚିକିତ୍ସା ପାଣ୍ଠି ପାଇଁ 1 ଶହ 62 କୋଟି ଟଙ୍କା ବ୍ୟୟ ପ୍ରସ୍ତାବ ରହିଛି ।
