ଭୁବନେଶ୍ବର: ପ୍ରବଳ ହଟ୍ଟଗୋଳ ଓ ନାରାବାଜି ମଧ୍ୟରେ ମୌସୁମୀ ଅଧିବେଶନର ଦ୍ବିତୀୟ ଦିନ ମଧ୍ୟ ଏକପ୍ରକାର ଧୋଇଗଲା । ଏପଟେ ବିଧାନସଭାକୁ ଶୁକ୍ରବାର ସକାଳ ୧୦.୩୦ ଯାଏଁ ମୁଲତବୀ କଲେ ବାଚସ୍ପତି । ଲଗାତାର ବିରୋଧୀଙ୍କ ହୋ ହାଲ୍ଲା ଯୋଗୁଁ ଦ୍ବିତୀୟ ଦିନ ମଧ୍ୟ ଗୃହକୁ ଚଳାଇ ଦେଇନଥିଲେ ବିରୋଧୀ ।
ଗୃହ ଆରମ୍ଭରେ ପ୍ରଶ୍ନକାଳରେ କଂଗ୍ରେସ ଓ ବିଜେପି ଉଭୟ ମରୁଡ଼ି ଉପରେ ଆଲୋଚନା କରିବାକୁ ବାଚସ୍ପତ୍ତିଙ୍କୁ ଦାବି କରିଥିଲେ । ଏହାକୁ ନେଇ କୃଷିମନ୍ତ୍ରୀଙ୍କ ଉତ୍ତରରେ ସନ୍ତୁଷ୍ଟ ନଥିଲେ ବିରୋଧୀ । ହଟ୍ଟଗୋଳ ବଢ଼ି ଚାଲିବାରୁ ଗୃହକୁ ଗୁରୁବାର ଅପରାହ୍ଣ ୪ଟା ଯାଏଁ ମୁଲତବୀ କରାଯାଇଥିଲା ।
ପୁନଃ ଗୃହ ଆରମ୍ଭ ହୋଇଥିଲେ ସୁଦ୍ଧା ଏହାକୁ ଚଳାଇ ଦେଇନଥିଲେ ବିରୋଧୀ । ଫଳରେ ବାଧ୍ୟ ହୋଇ ବାଚସ୍ପତି ଶୁକ୍ରବାର ୧୦.୩୦ ପର୍ଯ୍ୟନ୍ତ ଗୃହକୁ ମୂଲତବୀ କରିଛନ୍ତି । ଗୁରୁବାର ହଟ୍ଟଗୋଳ ମଧ୍ୟରେ ୩ଟି ବିଲ ପାରିତ ହୋଇଛି । ସ୍ବାସ୍ଥ୍ୟ ବିଶ୍ବ ବିଦ୍ୟାଳୟ ବିଲ୍, ଜିଏସଟି ସଂଶୋଧନ ବିଲ ଓ ବସ୍ତି ବାସନ୍ଦା ସଂଶୋଧନ ବିଲ ପାରିତ ହୋଇଛି ।
ବିରୋଧୀଙ୍କ ହଟ୍ଟୋଗଳ ଯୋଗୁଁ ଗୃହରେ କୌଣସି ବିଷୟରେ ସବିଶେଷ ଆଲୋଚନା ହୋଇ ପାରିନାହିଁ । ଫଳରେ ଅନେକ ପ୍ରସଙ୍ଗ ଉପରେ ଆଲୋଚନା ବାକି ରହିଛି । ତୃତୀୟ ଦିନରେ ବିରୋଧିଙ୍କ ଆଭିମୁଖ୍ୟ କଣ ରହିବ ତାହରି ଉପରେ ରହିଛି ସଭିଙ୍କ ନଜର ।
ଭୁବନେଶ୍ବରରୁ ସଞ୍ଜୀବ ରାୟ , ଇଟିଭି ଭାରତ
