ବ୍ରହ୍ମପୁର/ଭୁବନେଶ୍ବର: ଅଶାନ୍ତ ସମୁଦ୍ରରେ ଫସିଥିଲେ 11 ମତ୍ସ୍ୟଜୀବୀ । ଉଦ୍ଧାର ଲାଗି ତଟରକ୍ଷୀ ବାହିନୀ(Indian Coast guard)ର ସହଯୋଗ ନେଲେ ରାଜ୍ୟ ସରକାର । ଅଶାନ୍ତ ସମୁଦ୍ରରୁ ସମସ୍ତ ମତ୍ସ୍ୟଜୀବୀଙ୍କୁ ଉଦ୍ଧାର କରାଯାଉଛି । ଏ ନେଇ ସୂଚନା ଦେଇଛନ୍ତି ଏସଆରସି(SRC) ପ୍ରଦୀପ କୁମାର ଜେନା ।
ଅଶାନ୍ତ ସମୁଦ୍ରରେ ଫସିଥିଲେ 11 ଓଡ଼ିଆ ମତ୍ସ୍ୟଜୀବୀ, ଏୟାରଲିଫ୍ଟ କଲା ତଟରକ୍ଷୀ ବାହିନୀ
ଅଶାନ୍ତ ସମୁଦ୍ରରେ ଫସିଥିଲା ବୋଟ । ବୋଟରେ ଥିଲେ 11 ମତ୍ସ୍ୟଜୀବୀ । ବିଶାଖାପାଟଣାରୁ ଓଡ଼ିଶା ଫେରୁଥିଲେ ଓଡ଼ିଆ ମତ୍ସ୍ୟଜୀବୀ । ଫସିଥିବା ସମସ୍ତେ ବ୍ରହ୍ମପୁରର ଚିକିଟି ଅଞ୍ଚଳର ହୋଇଥିବା ସୂଚନା । ବିଶାଖାପାଟଣାରୁ ଓଡ଼ିଶା ଫେରିବା ବେଳେ ପତିଶୋମାପୁର ନିକଟରେ 4.45ରେ ଘଟିଛି ଏହି ଅଘଟଣ । ଗଞ୍ଜାମ ଜିଲ୍ଲା ଠାରୁ ସୂଚନା ପାଇବା ପରେ ତଟରକ୍ଷୀ ବାହିନୀର ସହଯୋଗ ନେଇଥିଲେ ରାଜ୍ୟ ସରକାର ।
ବ୍ରହ୍ମପୁରରୁ ସମୀର ଆଚାର୍ଯ୍ୟ ଓ ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
