ଭୁବନେଶ୍ବର: ଇଡି ସ୍କାନରରେ ଭିଭୋ । ଦେଶବ୍ୟାପୀ ଚାଲିଛି ଏକକାଳୀନ ଚଢାଉ। ଭୁବନେଶ୍ବରର ଭିଭୋ ଅଫିସରେ ମଧ୍ୟ ଇଡିର ରେଡ୍ ଚାଲିଛି । ମନି ଲାଣ୍ତରିଂ ଅଭିଯୋଗରେ ଦେଶର ୪୪ଟି ସ୍ଥାନରେ ଚଢାଉ ହୋଇଛି ।
ଭୁବନେଶ୍ୱରରେ ଭିଭୋ ଅଫିସରେ ଇଡିର ରେଡ୍
ଭୁବନେଶ୍ବରର ଭବାନୀ ମଲରେ ଥିବା ଭିଭୋ ହେଡ ଅଫିସରେ ରେଡ କରିଛି ଇଡି ଟିମ । ଭବାନୀ ମଲର ଚତୁର୍ଥ ମହଲାରେ ଥିବା ପାୟନର ମୋବାଇଲ ପ୍ରାଇଭେଟ ଲିମିଟେଡରେ ପହଞ୍ଚି ତନାଘନା କରିଛନ୍ତି ଇଡି ଅଧିକାରୀ ।
ଓଡିଶାରେ ଭିଭୋର କେତୋଟି ଡିଲର ,ଫ୍ରାଞ୍ଚାଇଜ ,ସେଲସ ପଏଣ୍ଟ ଏବଂ ରିଟେଲର ଅଛନ୍ତି ? ବର୍ଷକୁ କେତେ କିଣାବିକା ହେଉଛି, କେମିତି ଅପରେସନ ହେଉଛି ଏବଂ କେତେ ଟଙ୍କାର ବିଲ ହେଉଛି ? ସେସବୁର ତନାଘନା କରିଛନ୍ତି ଇଡିର ବରିଷ୍ଠ ଅଧିକାରୀ ।
ଇଟିଭି ଭାରତ, ଭୁବନେଶ୍ବର
