ଭୁବନେଶ୍ବର: ରାଜ୍ୟରେ ଥିବା କ୍ଲବ କ୍ରିକେଟରେ ଏବେ ବି ସୁପାରିଶରେ ଖେଳାଳି ଚୟନ ହେଉଛନ୍ତି । ଏଥିରେ କୌଣସି ସ୍ବଚ୍ଛତା ରହୁନଥିବା ବେଳେ ଯୋଗ୍ୟ ପ୍ରାର୍ଥୀ ନିଜ ହକ୍ ପାଇବାରୁ ବଞ୍ଚିତ ହେଉଛନ୍ତି । ଏଥିରେ ପରିବର୍ତ୍ତନ ଆଣିବା ପାଇଁ ଲକ୍ଷ୍ୟ ରଖିଛନ୍ତି ଓଡିଶା କ୍ରିକେଟ ଆସୋସିଏସନର ସମ୍ପାଦକ ସଞ୍ଜୟ ବେହେରା ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଏହି ଅବସରରେ ଓସିଏ ସଭାପତି ପଙ୍କଜ ଲୋଚନ ମହାନ୍ତି ଓଡ଼ିଶାରେ ଦ୍ଵିତୀୟ କ୍ରିକେଟ ଷ୍ଟାଡିୟମ ନେଇ ସରକାରଙ୍କ ସହିତ ଆଲୋଚନା ଜାରି ରହିଛି ବୋଲି କହିଥିଲେ । ସରକାର ଏନେଇ ସକାରାତ୍ମକ ଥିବାବେଳେ ନିଜ କାର୍ଯ୍ୟକାଳ ସମୟରେ ଏହାକୁ ପୂରଣ କରିବା ଦିଗରେ ଚେଷ୍ଟା କରିବେ ବୋଲି କହିଛନ୍ତି । ସେହିପରି ରାଜ୍ୟରେ ଗୋଟିଏ କ୍ରିକେଟ ଏକାଡେମୀ ଥିବାବେଳେ କ୍ରିକେଟର ବିକାଶ ନିମନ୍ତେ ରାଜ୍ୟରେ ଆହୁରି 4ରୁ 6ଟି ଏକାଡେମୀ କରିବା ପାଇଁ ଯୋଜନା ଥିବା କହିଛନ୍ତି ।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
