ଲିଙ୍ଗରାଜ ମନ୍ଦିର ପୌର ଚିକିତ୍ସାଳୟ ଭଙ୍ଗା ଯିବା ଖବର ଗୁଜବ

ଭଙ୍ଗା ହେବନାହିଁ ଲିଙ୍ଗରାଜ ମନ୍ଦିର ସନ୍ନିକଟସ୍ଥ ପୌର ଚିକିତ୍ସାଳୟ। ଏଭଳି ଖବରକୁ ଗୁଜବ କହିଲେ ବିଏମସି କମିଶନର।

ଭୁବନେଶ୍ବର: ପଡିଲା ପୂର୍ଣ୍ଣଚ୍ଛେଦ। ଭଙ୍ଗା ହେବନାହିଁ ପୌର ଚିକିତ୍ସାଳୟ। ଏନେଇ ସ୍ପଷ୍ଟୀକରଣ ରଖିଲା ବିଏମସି। ଲିଙ୍ଗରାଜ ମନ୍ଦିର ସୌନ୍ଦର୍ଯ୍ୟକରଣ ପାଇଁ ମନ୍ଦିର ସନ୍ନିକଟସ୍ଥ ପୌର ଚିକିତ୍ସାଳୟ ଓ ରଥ ରୋଡ ଭଙ୍ଗା ଯିବ ବୋଲି ଗୁଜବ ଉଠିଥିଲା । ଯାହାକୁ ଖଣ୍ଡନ କରିଛନ୍ତି ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ। ଚିକିତ୍ସାଳୟ ଓ ରଥ ରୋଡ ସମ୍ପ୍ରସାରଣ ହେବାର କୌଣସି ଯୋଜନା ନାହିଁ ଏହା ସମ୍ପୂର୍ଣ୍ଣ ଗୁଜବ। ଏପରିକି ଏହି କଥାକୁ ବିଶ୍ବାସ ନ କରିବାକୁ ସେ ଲୋକଙ୍କୁ ଅନୁରୋଧ କରିଛନ୍ତି।

ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ