ଭୁବନେଶ୍ବର: ନୀତି ଆୟୋଗ ରିପୋର୍ଟ (Niti Aayog report) ପ୍ରକାଶ ପାଇବା ପରେ ରାଜ୍ୟ ସରକାରଙ୍କୁ ଘେରିଲେ ପ୍ରଦେଶ କଂଗ୍ରେସ ସଭାପତି ନିରଞ୍ଜନ ପଟ୍ଟନାୟ (Pradesh Congress President Niranjan Patnaik ) । ନିରଞ୍ଜନ କହିଛନ୍ତି ଦାରିଦ୍ର୍ୟକୁ ନେଇ ନୀତି ଅୟୋଗର ସଦ୍ୟତମ ରିପୋର୍ଟ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ସାରା ଭାରତରେ ଦାରିଦ୍ର୍ୟତାରେ ଓଡିଶା ନବମ ସ୍ଥାନରେ ରହିଛି ।
ନିରଞ୍ଜନ କହିଛନ୍ତି ଓଡିଶା ସବୁଥିରେ ପଛରେ ପଡିଛି । କିନ୍ତୁ ଆମ ମୁଖ୍ୟମନ୍ତ୍ରୀ ଆଗରେ ଅଛନ୍ତି। ଆମ ମୁଖ୍ୟମନ୍ତ୍ରୀ ଏକ ନମ୍ବର। ଆମେ 21 ବର୍ଷ ଧରି ଗୋଟିଏ ଶାସନକୁ ବାଛିଚ୍ଛେ। ଲୋକଙ୍କ ରୋଜଗାର, ଜିଡିପି , କର୍ମ ନିଯୁକ୍ତି ନାହିଁ । ଦେଶ ଓ ରାଜ୍ୟର ଅର୍ଥନୀତି ବିପର୍ଯ୍ୟସ୍ତ ହୋଇପଡିଛି। କେନ୍ଦ୍ର ଓ ରାଜ୍ୟ ସରକାର ଲୋକଙ୍କୁ ଠକିବାରେ ବ୍ୟସ୍ତ। ଯୁବକ ମାନେ କର୍ମ ନିଯୁକ୍ତି ପାଇଛନ୍ତି କି ନାହିଁ ସରକାର ଜାଣନ୍ତି ନାହିଁ ? ଶିଳ୍ପାୟନ ନାହିଁ। ଚାଷ ପାଇଁ ଜଳ ସେଚନ ନାହିଁ । ଗରିବ କମିନାହିଁ । ତେଣୁ କିଭଳି ଲୋକଙ୍କର ଅଧିକ ଉନ୍ନତି ହେବ ? ବୋଲି ସେ ପ୍ରଶ୍ନ କରିଛନ୍ତି ।
ସୂଚନାଯୋଗ୍ୟଯେ ଗତକାଲି(ଗୁରୁବାର) ନୀତି ଆୟୋଗ ରିପୋର୍ଟ ପ୍ରକାଶ ପାଇଥିଲା। ଦାରିଦ୍ର୍ୟରେ ବିହାର ଏକ ନମ୍ବର ଥିବା ବେଳେ ଓଡିଶା ନବମ ସ୍ଥାନରେ ରହିଛି। ରାଜ୍ୟରେ ୩ ଜଣଙ୍କ ମଧରେ ଜଣେ ଗରିବ ଥିବା ରିପୋର୍ଟରେ ଦର୍ଶାଯାଇଛି ।
ଏହାସହ ରାଜ୍ୟର ନବରଙ୍ଗପୁର ଜିଲ୍ଲା ଦାରିଦ୍ର୍ୟତାରେ ସର୍ବାଧିକ ଥିବାବେଳେ ପୁରୀରେ ସର୍ବନିମ୍ନ ରହିଛି। ଦାରିଦ୍ର୍ୟ କ୍ଷେତ୍ରରେ ଜାତୀୟ ହାର ୨୫.୦୧ ପ୍ରତିଶତ ଥିବା ବେଳେ ଓଡିଶାରେ ଏହା ୨୯.୩୫ ପ୍ରତିଶତ ରହିଛି।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
