ଭୁବନେଶ୍ବର: ଏଣିକି ରାଜଧାନୀରେ ବାହାଘର କରୁଥିଲେ ହୁସିଆର । ନିୟମ ଉଲ୍ଲଙ୍ଘନ କରୁଥିଲେ ଘରେ ପହଞ୍ଚିପାରେ ପୋଲିସ। ବାହାଘର ବେଳେ DJ ବଜାଇ ରୋଷଣି କଲେ ବା ବାଣଫୁଟାଇ ଉତ୍ସବ ମନାଇଲେ କାର୍ଯାନୁଷ୍ଠାନ ନେବ ପୋଲିସ । ଏନେଇ ହେଲ୍ପ ଲାଇନ ନମ୍ବର ଜାରି କଲା କମିଶନରେଟ ପୋଲିସ।
ରାଜଧାନୀରେ ବିବାହ ଉତ୍ସବରେ ଲାଗିଲା କଟକଣା: DJ ବାଜିଲେ, ବାଣ ଫୁଟିଲେ ଘରେ ପହଞ୍ଚିବ ପୋଲିସ
ଏପରି ଘଟଣା ଦେଖିଲେ ୦୬୭୪୨୫୪୦୨୯୪ ରେ କଲ କରି ଜଣାଇଲେ ପୋଲିସ ପହଞ୍ଚି ଫାଇନ ଲଗାଇବା ସହ ବନ୍ଦ କରିପାରେ ଏପରି ବାଣ ଓ ବାଜା। ଏଥିପାଇଁ DCP ଅଫିସର ଲାଇସେନ୍ସ ସେଲକୁ ଆଲର୍ଟ ଅରାଯାଇଛି । ଯେଉଁମାନେ ବାହାଘର ପାଇଁ ଅନୁମତି ଆଣୁଛନ୍ତି ସେଥିରେ ବାଣ ଫୁଟାଇବା ବା ବାଜା ବଜାଇବା ପାଇଁ ଅନୁମତି ଦିଆଯାଉନାହିଁ।
ତେଣୁ DCP ଅଫିସରୁ ବାହାଘର ପାଇ ଲାଇସେନ୍ସ ନେଉଥିବା ଲୋକଙ୍କ ତଥ୍ୟ ସ୍ଥାନୀୟ ଥାନାକୁ ଜଣାଇଦିଆଯିବ। ଯଦି କେହି ଏହି ନିୟମ ଉଲଙ୍ଘନ କରୁଛନ୍ତି, ତେବେ ଲାଉଡସ୍ପିକର ଓ ଏକ୍ସପ୍ଲୋସିଭ ଆକ୍ଟରେ ପୋଲିସ ନେବ କାର୍ଯ୍ୟାନୁଷ୍ଠାନ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
