ଭୁବନେଶ୍ବର: ଏଣିକି ଧରାପଡିବେ ସାଇବର ଅପରାଧି,ସାଇବର ଭବନରୁ ତିଆରି ହେବ ବ୍ଲୁ ପ୍ରିଣ୍ଟ । କାରଣ ଭୁବନେଶ୍ବରରେ ଖୋଲିଛି ସାଇବର ଭବନ । ଯେଉଁଠି ଅଛନ୍ତି ବଛା ବଛା ସାଇବର ଏକ୍ସପର୍ଟ ସହ ଅଭିଜ୍ଞ ଅଫିସର । ଅଶ୍ଳିଳ ଭିଡ଼ିଓ ଭାଇରାଲ କେସ ହେଉ ବା ଅନଲାଇନ ଠକେଇ । ୱେବସାଇଟ ହ୍ୟାକ ଠୁ ଆରମ୍ଭ କରି ଅନଲାଇନ କ୍ରାଇମ । ଏସବୁ ଦିଗରେ ଆସିବ ବଡ଼ ଧରଣର ପରିବର୍ତ୍ତନ ।
କାରଣ ସାଇବର ମୁକାବିଲା ଦିଗରେ ଓଡ଼ିଶା ପୋଲିସର କ୍ରାଇମ ବ୍ରାଞ୍ଚ ଅଧିନରେ ଭୁବନେଶ୍ବରରେ ଖୋଲିଛି ସାଇବର ଭବନ । ଯେଉଁଠି ସାଇବର ଅପରାଧିଙ୍କୁ ଟ୍ରାକ କରିବାକୁ ରହିଛି ଉନ୍ନତ ଜ୍ଞାନ କୌଶଳରେ ନିର୍ମିତ ସଫ୍ଟୱାୟାର ଓ ଆଣ୍ଟିଭାଇରସ ସହ ଅନଲାଇନ ଡିଟେକ୍ଟର ନାସନାଲ । ପୋଲିସ ଏକାଡେମୀର ସହାୟତାରେ ଏନଡିସି,ଆରଟିସି ଏନେଇ ତାଲିମ ଦେଉଛନ୍ତି ।
୮ ଟି ଟ୍ରଜନିରେ ୨୦୦ ଏସଆଇରୁ ଇନ୍ସେପେକ୍ଟର ସ୍ତରରେ ତାଲିମ ଦେବା ପାଇଁ ଯୋଜନା ରହିଛି । ଯେତିକି କ୍ରାଇମ ହେଉଛି ତା ତୁଳନାରେ ପୋଲିସର କାପାସିଟିି କମ ରହିଥିବା ପୋଲିସ ଡିଜି କହିଛନ୍ତି । ତେଣୁ ଓଡ଼ିଶାରେ ହେଉଥିବା ସାଇବର ଟ୍ରେଣ୍ଡକୁ ନଜରରେ ରଖି ଏକ ଲିଷ୍ଟ ପ୍ରସ୍ତୁତ କରାଯାଇ ନ୍ୟାସନାଲ ପୋଲିସ ଏକାଡେମୀର ସହାୟତାରେ ତାଲିମ ଦିଆଯାଉଛି ।
ସାଇବର କ୍ରାଇମର ଅପରାଧୀ ରାଜ୍ୟ ବାହାରୁ କ୍ରାଇମ ଅପରେଟ କରୁଛନ୍ତି ତେଣୁ ସେମାନଙ୍କୁ ଠାବ କରିବା ଓ କାର୍ଯାନୁଷ୍ଠାନ ପାଇଁ ସମସ୍ତ ରାଜ୍ୟର ପୋଲିସ ଡିଜି କିଛିଦିନ ପୂର୍ବେ କରିଥିବା ଏକ ଡିଜିଟାଲ କନଫରେନସରେ ସ୍ବତନ୍ତ୍ର ନିଷ୍ପତି ନେଇଛନ୍ତି ।
ଯେପରି ସେହି ସବୁ ରାଜ୍ୟର ଏସଟିଏଫ ସହାୟତାରେ ଏକ ନୋଡାଲ ଅଫିସର ଜରିଆରେ ଯୋଗାଯୋଗ କରି ରାଜ୍ୟ ବାହାରର ଅପରାଧିକୁ ଠାବ କରିବାରେ ସଫଳ ହୋଇପାରିବ । ଏହା ସହିତ ସମସ୍ତ ପୋଲିସ ଷ୍ଟେସନରେ ସାଇବର କ୍ରାଇମ ଅଭିଯୋଗ ରଖାଯାଇ ତାର ସଠିକ ତଦନ୍ତ ପାଇଁ ଯୋଜନା ପ୍ରସ୍ତୁତ ହୋଇଥିବା ପୋଲିସ ଡିଜି କହିଛନ୍ତି ।
ତେବେ ଏନସିଆରବି ରିପୋର୍ଟ ଅନୁସାରେ ୨୦୧୯ରେ ୭୬ ପ୍ରତିଶତ ସାଇବର କ୍ରାଇମ ରାଜ୍ୟରେ ବଢିଛି । ୧୪୭୫ ଟି କେସ ୨0୧୯ ରେ ହୋଇଥିବା ବେଳେ ୨୦୨୦ ଏଯାବତ ୧୨୦୦ରୁ ଅଧିକ ମାମଲା ରୁଜୁ ହୋଇ ତଦନ୍ତ ଚାଲୁ ରହିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
