ଭୁବନେଶ୍ବର: ଉପନିର୍ବାଚନ ପାଇଁ ନିର୍ବାଚନ କମିଶନ ବିଜ୍ଞପ୍ତି ପ୍ରକାଶ ପାଇଛି । ବାଲେଶ୍ବର ଓ ତିର୍ତ୍ତୋଲ ଦୁଇଟି ଉପନିର୍ବାଚନ ପାଇଁ ତିନି ପ୍ରମୁଖ ଦଳରେ କିଏ ପ୍ରାର୍ଥୀ ହେବେ ଏକ ପ୍ରକାର ଚୂଡାନ୍ତ ହୋଇସାରିଛି । କେବଳ ଘୋଷଣାକୁ ଅପେକ୍ଷା କରାଯାଇଛି ।
ବାଲେଶ୍ଵର ସଦର ଉପନିର୍ବାଚନ ପାଇଁ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ପୁଅ ନବଜ୍ୟୋତି ପଟ୍ଟନାୟକ ପ୍ରାର୍ଥୀ ହେବା ନେଇ ଚର୍ଚ୍ଚା ହେଉଥିଲା । କିନ୍ତୁ ସେ ପ୍ରାର୍ଥୀ ହେବେ ନାହିଁ ବୋଲି ଜଣାପଡିଛି । ସେହି କ୍ରମରେ କଂଗ୍ରେସର ଦୁଇଜଣ ପ୍ରାର୍ଥୀ ଫାଇନାଲ ହୋଇଥିବା ବିଧାୟକ ତାରାପ୍ରସାଦ ବାହୀନପତି କହିଛନ୍ତି । ସେ କହିଛନ୍ତି ଯେ ଅଫିସିଆଲ ଖୁବଶୀଘ୍ର ଘୋଷଣା ହେବ । ବାଲେଶ୍ବର ସିଟ୍ ପାଇଁ ଜଣେ ଫାଇନାଲ ହୋଇସାଇଛନ୍ତି ଏଆଇସିସି ପକ୍ଷରୁ ଘୋଷଣା ହେବ । ତିର୍ତ୍ତୋଲ ପାଇଁ ମଧ୍ୟ ଆଜି ପ୍ରାର୍ଥୀ ଫାଇନାଲ ହେଇଯିବ ବୋଲି କହିଛନ୍ତି ।
ଆସନ୍ତା ୧୦ ତାରିଖ ପରେ ପ୍ରାର୍ଥୀ ଘୋଷଣା ହେବ । ଯୁବ ଏବଂ ଡାଇନାମିକ ତଥା ଶିକ୍ଷିତଙ୍କୁ ଟିକେଟ ଦିଆଯିବ । କୌଣସି ପୁରୁଣା ପ୍ରାର୍ଥୀଙ୍କୁ ଟିକେଟ ଦିଆଯାଉନାହିଁ । ଏହା ସହ ଦଳର ତିନିଜଣ ବିଧାୟକ ଓ ସ୍ଥାନୀୟ ନେତାଙ୍କୁ ଦାୟିତ୍ଵ ଦିଆଯାଇଛି । 12 ତାରଖରୁ ନାମାଙ୍କନ ପତ୍ର ଦାଖଲ ପ୍ରକ୍ରିୟା ଆରମ୍ଭ ହେବ । ନଭେମ୍ବର 3 ତାରିଖରେ ଭୋଟ ଗ୍ରହଣ କରାଯିବ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
