ଭୁବନେଶ୍ବର: ସଡକ ସୁରକ୍ଷା ଦିବସରେ ଟ୍ରାଫିକ ଡିସିପିଙ୍କ ନିଆରା ପଦକ୍ଷେପ । ହେଲମେଟ ପିନ୍ଧି ମହିଳା ବାଇକ ରାଲି ଜରିଆରେ ସହରବାସୀଙ୍କୁ ସଚେତନ କରିଛନ୍ତି। ୩୧ତମ ଜାତୀୟ ସଡକ ସୁରକ୍ଷା ଦିବସ ଅବସରରେ ଏଭଳି ପଦକ୍ଷେପ ନେଇଛି କମିଶନରେଟ ପୋଲିସ । ଏଜି ଛକ ଟ୍ରାଫିକ ଥାନାରୁ ଏକ ବିଶାଳ ବାଇକ ରାଲିରେ ମହିଳାମାନେ ବାହାରି ସହର ପରିକ୍ରମା କରି ଲୋକଙ୍କୁ ସଚେତନ କରିଛନ୍ତି ।
ବାଇକରେ ବୁଲିଲେ ଟ୍ରାଫିକ ଡିସିପି, ସହରବାସୀଙ୍କୁ ଦେଲେ ସେଫଟି ଟିପ୍ସ
ହେଲମେଟ ପିନ୍ଧି ଗାଡିଚାଳନା, ମଦ୍ୟପାନ କରି କି ମୋବାଇଲ ବ୍ୟବହାର କରି ଗାଡି ନ ଚଳାଇବାକୁ ସହରବାସୀଙ୍କୁ ଦେଇଥିଲେ ବାର୍ତ୍ତା । ଏହି ଅବସରରେ କିଛି ସାମାଜିକ ସଂଗଠନ ୩ଟି ବାଇକ କମିଶନରେଟ ପୋଲିସକୁ ପ୍ରଦାନ ସହ ରୋଡ ସେଫଟି ପାଇଁ ହାତ ବଢାଇଛନ୍ତି । ସେହିପରି ଏଭଳି ସଚେତନତା ସପ୍ତାହ ଆସନ୍ତା ୭ଦିନ ଧରି ସହରର ବିଭିନ୍ନ ଗଳିକନ୍ଦିରେ କରାଯିବ । ଲୋକଙ୍କୁ ବିଭିନ୍ନ ଟ୍ରାଫିକ ନିୟମ ସମ୍ପର୍କରେ ଅବଗତ କରାଯିବ ବୋଲି ଟ୍ରାଫିକ ଡିସିପି କହିଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
