ଭୁବନେଶ୍ବର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମନ୍ କି ବାତ୍ କାର୍ଯ୍ୟକ୍ରମ ଶୁଣିଲେ ରାଜ୍ୟ ସଭାପତି ସମୀର ମହାନ୍ତି (Samir Mohanty listen Man ki baat)। 93ତମ ‘ମନ କି ବାତ’ କାର୍ଯ୍ୟକ୍ରମରେ ଦେଶବାସୀଙ୍କୁ ଅଡିଓ ବାର୍ତ୍ତା ମାଧ୍ୟମରେ ସମ୍ବୋଧିତ କରିଥିଲେ ପ୍ରଧାନମନ୍ତ୍ରୀ । ପ୍ରଧାନମନ୍ତ୍ରୀ ଆଜି ବିଭିନ୍ନ ଗୁରୁତ୍ବପୂର୍ଣ୍ଣ ପ୍ରସଙ୍ଗକୁ ନିଜ ସମ୍ବୋଧନରେ ସ୍ଥାନ ଦେଇଥିଲେ (important issues in Man ki baat)। ଭୁବନେଶ୍ବରସ୍ଥିତ ବିଜେପି କାର୍ଯ୍ୟାଳୟରେ ଅନ୍ୟ ବିଜେପି ନେତା ଓ କର୍ମୀଙ୍କ ସହ ମିଶି ରାଜ୍ୟ ବିଜେପି ସଭାପତି ମୋଦିଙ୍କ "ମନ୍ କି ବାତ୍" କାର୍ଯ୍ୟକ୍ରମ ଶୁଣିଛନ୍ତି ।
ଏହା ବି ପଢ଼ନ୍ତୁ Mann ki Baat: ଶହୀଦ ଭବଗତ ସିଂଙ୍କ ନାମରେ ନାମିତ ହେବ ଚଣ୍ଡିଗଡ ବିମାନ ବନ୍ଦର
ଏହାକୁ ନେଇ ରାଜ୍ୟ ବିଜେପି ସଭାପତି ସମୀର ମହାନ୍ତି କହିଛନ୍ତି, "ମାନବବାଦର ପ୍ରଣେତା ପଣ୍ଡିତ ଦିନଦୟାଲ ଉପାଧ୍ୟାୟଙ୍କ ଆଜି ଜନ୍ମ ଜୟନ୍ତୀ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ 'ମନ୍ କି ବାତ୍' ସ୍ବତନ୍ତ୍ର । ପ୍ରଧାନମନ୍ତ୍ରୀ ଦେଶବାସୀଙ୍କୁ 'ମନ୍ କି ବାତ୍'ରେ ଯେଉଁ କଥା କହିଛନ୍ତି । ତାହା ଦେଶବାସୀଙ୍କୁ ପ୍ରେରଣା ଦେବ । ମୋଦି ସାଙ୍କେତିକ ଭାଷା( Sign Language) ବିଷୟରେ କହି ଦେଶର ଦିବ୍ୟାଙ୍ଗଙ୍କୁ ଉତ୍ସାହିତ କରିଛନ୍ତି । ସେହିପରି ଟିବି ମୁକ୍ତ ଭାରତ ପାଇଁ ଯେଉଁ ସ୍ଲୋଗାନ ଦେଇଛନ୍ତି । ତାହା ଦେଶବାସୀଙ୍କ ସହଯୋଗରେ ନିଶ୍ଚୟ ସଫଳ ହେବ । ଗୁଜୁରାଟରେ ଆୟୋଜିତ ହେବାକୁ ଥିବା ଜାତୀୟ କ୍ରୀଡ଼ା ପାଇଁ ମଧ୍ୟ ଖେଳାଳୀଙ୍କୁ ଶୁଭେଚ୍ଛା ଜାଣାଇଛନ୍ତି । ଭାରତକୁ ଶ୍ରେଷ୍ଠ ରାଷ୍ଟ୍ର ଭାବରେ ଗଢ଼ିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସବୁ ସମୟରେ ଚେଷ୍ଟା କରୁଛନ୍ତି ।"
ନାମ୍ବିଆରୁ ଆସିଥିବା 8ଟି ଆଫ୍ରିକୀୟ ଚିତାଙ୍କୁ ମଧ୍ୟପ୍ରଦେଶର କୁନୋ ଜାତୀୟ ଉଦ୍ୟାନରେ ଛାଡ଼ିଥିଲେ । ଦୀର୍ଘ ବର୍ଷ ପରେ ଚିତା ଭାରତକୁ ଆସିବା ପରେ ସମଗ୍ର ଦେଶରେ ଖୁସିର ଲହରି ଦେଖିବାକୁ ମିଳିଥିବା ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ । ସମସ୍ତ ଦେଶବାସୀ ଚିତାଙ୍କ ପାଇଁ ଗର୍ବ ଅନୁଭବ କରୁଥିବାବେଳେ, ଏମାନଙ୍କ ସୁରକ୍ଷା ପାଇଁ ଏକ ସ୍ବତନ୍ତ୍ର ଟାକ୍ସଫୋର୍ସ ଗଠନ ହୋଇଛି । ଏହି ଚାକ୍ସଫୋର୍ସ ଏହି ଚିତାଙ୍କର ନୀରିକ୍ଷଣ କରିବ ବୋଲି ପ୍ରଧାନମନ୍ତ୍ରୀ କହିଥିଲେ ।
ପ୍ରଧାନମନ୍ତ୍ରୀ କହିଛନ୍ତି, "ବର୍ତ୍ତମାନ ସମୟରେ ପାରା ସ୍ପୋର୍ଟରେ ଭାରତ ପ୍ରଦର୍ଶନ ଉଚ୍ଚକୋଟିର ରହିଛି । ନିକଟରେ ଆୟୋଜିତ ଏକାଧିକ ଟୁର୍ଣ୍ଣାମେଣ୍ଟରେ ଭାରତୀୟ ପାରା ଆଥଲେଟମାନେ ଉଚ୍ଚକୋଟିର ପ୍ରଦର୍ଶନ କରିଛନ୍ତି । ବର୍ତ୍ତମାନର ଯୁବପିଢି ମଧ୍ୟରେ ଫିଟ୍ନେସ୍ କଲ୍ଚର୍କୁ ନେଇ ମଧ୍ୟ ସଚେତନତା ଓ ଆଗ୍ରହ ବୃଦ୍ଧି ପାଇଛି । ଗ୍ରାଉଣ୍ଡରେ କାର୍ଯ୍ୟ କରୁଥିବା ଅନେକ ଲୋକ ସେମାନଙ୍କୁ ଏହି ଦିଗରେ ଉତ୍ସାହିତ କରିବାରେ ସହୟକ ହେଉଛନ୍ତି ।"
