ଭୁବନେଶ୍ବର: କୋଭିଡ-19 ଗାଇଡ଼ଲାଇନ ଓ ସାମାଜିକ ଦୂରତ୍ୱ ନିୟମ ଉଲ୍ଲଙ୍ଘନ ଅଭିଯୋଗରେ ମୁଖ୍ୟମନ୍ତ୍ରୀଙ୍କ ବିରୋଧରେ ଥାନାରେ ଏତଲା । କ୍ୟାପିଟାଲ ଥାନାରେ ଏତଲା ଦାଏର କରିଛି ନବ ନିର୍ମାଣ କୃଷକ ସଙ୍ଗଠନ ।
ମୁଖ୍ୟମନ୍ତ୍ରୀଙ୍କ ବିରୋଧରେ ଏତଲା ଦାଏର କଲା ନବ ନିର୍ମାଣ କୃଷକ ସଙ୍ଗଠନ
ସୂଚନା ଅନୁଯାୟୀ, ଦେଶରେ କୋରୋନା ସଂକ୍ରମଣ ବୃଦ୍ଧି ପାଉଥିବାବେଳେ ଏହାର ସଂକ୍ରମଣ ରୋକିବା ପାଇଁ କୋଭିଡ-19 ଗାଇଡଲାଇନ ଜାରି କରାଯାଇଛି । ସେଥିପାଇଁ ଲକଡାଉନ, ସଟଡାଉନ ଭଳି କଟକଣା ସହିତ ଦୋକାନ ବଜାର, ସଭା ସମିତି ଓ ସାଂସ୍କୃତିକ କାର୍ଯ୍ୟକ୍ରମ ଆଦି ଆୟୋଜନ କରିବାକୁ ମଧ୍ୟ ବାରଣ କରାଯାଇଛି।
ତେବେ ଗତ ଏପ୍ରିଲ 1ରେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ଏହି ନିୟମ ଉଲ୍ଲଙ୍ଘନ କରି ଗୋଷ୍ଠୀଗତ ଭାବେ ବନ୍ଦେ ଉତ୍କଳ ଜନନୀ ସଙ୍ଗୀତ ଗାନ କରାଯାଇଥିଲା । ଏହାର ପ୍ରତିବାଦ ସ୍ବରୂପ ମୁଖ୍ୟମନ୍ତ୍ରୀଙ୍କ ବିରୋଧରେ କ୍ୟାପିଟାଲ ଥାନାରେ ଏତଲା ଦାଏର କରାଯାଇଥିବା କହିଛନ୍ତି ସଂଗଠନର ରାଷ୍ଟ୍ରୀୟ ସଂଯୋଜକ ଅକ୍ଷୟ କୁମାର ।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
