ଭୁବନେଶ୍ବର: ମଦ ପାଇଁ ମର୍ଡର । ନିଶାଚୁର ବ୍ୟକ୍ତି ଆଉ ଜଣକୁ କରିଛି ହତ୍ୟା । ଭୁବନେଶ୍ବର ଚନ୍ଦ୍ରଶେଖରପୁର ଥାନା କଲ୍ୟାଣ ମଣ୍ଡପ ନିକଟରେ ଘଟିଛି ଏହି ଅଭାବନୀୟ ଘଟଣା ।
ମଦ ପାଇଁ ମର୍ଡର, ରାଜଧାନୀରେ ଚାଞ୍ଚଲ୍ୟ
ସୂଚନାନୁଯାୟୀ, ଡମଣା ଭୋଇସାହିର ଦୀପକ ନାମକ ୪୦ ବର୍ଷିୟ ବ୍ୟକ୍ତିକୁ କାଠ ଫାଳିଆରେ ହତ୍ୟା କରାଯାଇଛି । ବ୍ୟକ୍ତି ଜଣଙ୍କର ମୁଣ୍ଡ ଓ ବେକରେ ଆଘାତ ଲାଗିଛି ।
ଘଟଣାସ୍ଥଳରୁ କାଠ ଫାଳିଆ ସହ ହତ୍ୟାକାରୀ ସନାତନ ମୁଣ୍ଡାକୁ ପୋଲିସ ଅଟକ ରଖିଛି । ପୋଲିସ ଓ ସାଇଣ୍ଟିଫିକ ଟିମର ତନାଘନା ଜାରି ରହିଥିବା ବେଳେ ମୃତ୍ୟୁର କାରଣ ଅସ୍ପଷ୍ଟ ରହିଛି । ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ହତ୍ୟା କରାଯାଇଥିବା ପୋଲିସ ସନ୍ଦେହ କରୁଥିବା ଜଣାପଡିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
