ଭୁବନେଶ୍ବର: ପଞ୍ଚାୟତ ନିର୍ବାଚନ ଫଳାଫଳ ଭଳି ଏକତରଫା ହେବ ପୌର ନିର୍ବାଚନ ଫଳାଫଳ । ବିଜେଡି ହାତକୁ ଯିବ ସମସ୍ତ ପୌରାଞ୍ଚଳ । ପୌର ନିର୍ବାଚନ ପୂର୍ବରୁ ଏଭଳି ଦମ୍ଭୋକ୍ତି ବାଢିଛି ବିଜେଡି ।
ଆଜି ବିଜେଡି ରାଜ୍ୟସଭା ସାଂସଦ ମୁନ୍ନା ଖାଁ କହିଛନ୍ତି ପଞ୍ଚାୟତ ପରି ଏକତରଫା ହେବ ପୌର ଫଳାଫଳ । ୯୦ ପ୍ରତିଶତରୁ ଅଧିକ ଆସନ ହାତେଇବ ବିଜେଡି । ନବୀନ ପଟ୍ଟନାୟକ ଗରିବ ଲୋକଙ୍କ ପାଇଁ ଯେଉଁ କାମ କରୁଛନ୍ତି ଲୋକଙ୍କ ପାଖରେ ପହଞ୍ଚିଛି । ଲୋକ ସୁବିଧା ପାଇଛନ୍ତି । ତେଣୁ ଲୋକ ନବୀନଙ୍କୁ ଚାହୁଁଛନ୍ତି । ସବୁଠି ଶଙ୍ଖ ଝଡ ହେବ।
ସେହିଭଳି ବିଜେଡି ଟଙ୍କାବାଣ୍ଟୁ ଥିବା ନେଇ ବିରୋଧୀଙ୍କ ଅଭିଯୋଗର ଜବାବ ଦେଇ ମୁନ୍ନା କହିଛନ୍ତି ବିରୋଧୀ ଅଭିଯୋଗ କରିବେ । ମିଥ୍ୟା ଅଭିଯୋଗ କରୁଛନ୍ତି ବିରୋଧୀ । କିଏ କେଉଁଠି ଖର୍ଚ୍ଚ ଦେଉଥିବ । କିଏ କିଏ ମଦ ପିଇବାକୁ ମାଗିବ ମନା କରି ହେବ କି ? ନିର୍ବାଚନ ସମୟରେ ଏପରି ହୁଏ । ମୁଁ ଅନୁଭବ କରିଛି । ଟଙ୍କା ବଣ୍ଟା ନେଇ ସେପରି କିଛି ଭିଡିଓ ନାହିଁ । ଯଦି ଅଛି ଦେଖାଇ ପାରିବେ ବିରୋଧୀ ବୋଲି ସେ କହିଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
