ଭୁବନେଶ୍ବର: ଓଡିଶାର ପ୍ରଥମ ମହିଳା ପର୍ବତାରୋହୀ କଳ୍ପନା ଦାସଙ୍କ ସ୍ମୃତିକୁ ସାଉଁଟି ରଖିବା ପାଇଁ ରାଜ୍ୟ ସଂଗ୍ରହାଳୟରେ ପ୍ରଦର୍ଶିତ ହେଲା ତାଙ୍କ ଆରୋହଣ ଉପକରଣ । କଳ୍ପନାଙ୍କ ପ୍ରଥମ ପର୍ବତ ଆରୋହଣର ସ୍ମୃତି ଯଥା ଜ୍ୟାକେଟ, ଜୋତା ଓ ଅନ୍ୟାନ୍ୟ ଉପକରଣ ସର୍ବ ସାଧାରଣରେ ପ୍ରଦର୍ଶିତ କରାଯାଇଛି । ସଂସ୍କୃତି ସଚିବ ମନୋରଞ୍ଜନ ପାଣିଗ୍ରାହୀ କଳ୍ପନାଙ୍କ ସନ୍ତକକୁ ପ୍ରଦର୍ଶିତ କରିଛନ୍ତି।
2017 ଡିସେମ୍ବର 27 ତାରିଖରେ ରାଜ୍ୟ ସଂଗ୍ରହାଳୟକୁ ନିଜର ବ୍ୟବହୃତ ଉପକରଣକୁ ଦାନ କରିଥିଲେ କଳ୍ପନା । ସଂଗ୍ରହାଳୟର ପ୍ରତିଷ୍ଠା ଦିବସ ଅବସରରେ ଏହା ସପ୍ତାହ ବ୍ୟାପି ପ୍ରଦର୍ଶିତ ହୋଇଥିଲା। ପରେ ଏହାକୁ ସଂରକ୍ଷିତ ଭାବରେ ସଂଗ୍ରହାଳୟରେ ରଖାଯାଇଥିଲା । କିନ୍ତୁ କଳ୍ପନାଙ୍କ ଅଚାନକ ମୃତ୍ୟୁ ପରେ ତାଙ୍କ ସନ୍ତକକୁ ସବୁଦିନ ପାଇଁ ପ୍ରଦର୍ଶିତ କରାଯାଇଛି ।
ତେବେ ଦାନ ପରେ ପୁନର୍ବାର ପର୍ବତ ଆରୋହଣ କରିବା ଲାଗି ବାହାରିଥିଲେ କଳ୍ପନା । ସଫଳ ମଧ୍ୟ ହୋଇଥିଲେ । କିନ୍ତୁ ଫେରିବା ବାଟରେ ଅଚାନକ ତାଙ୍କର ମୃତ୍ୟୁ ଘଟିଥିଲା । ଏହାକୁ ସମ୍ମାନ ଜଣାଇ ଆଜି ରାଜ୍ୟ ସଂଗ୍ରହାଳୟରେ ତାଙ୍କ ବ୍ୟବହୃତ ଉପକରଣକୁ ସର୍ବସାଧାରଣରେ ପ୍ରଦର୍ଶିତ କରାଯାଇଛି ।
ସୂଚନା ଯୋଗ୍ୟ ଯେ, 2008 ମସିହା ମେ ମାସ 21 ତାରିଖରେ ସେ କାନାଡା, ଆମେରିକା ଏବଂ ନେପାଳର ପର୍ବତାରୋହୀଙ୍କ ସହ ସାମିଲ ହୋଇ ଦେଶର ଉଚ୍ଚତମ ପର୍ବତ ଶୃଙ୍ଗ ଆରୋହଣ କରିବାରେ ସଫଳ ହୋଇଥିଲେ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
