ଭୁବନେଶ୍ବର: ପୂର୍ବତଟ ରେଳପଥ ପରିସୀମା ମଧ୍ୟରୁ ବାହାରୁଥିବା ତିନୋଟି ଟ୍ରେନ ରାଜଧାନୀ ଏକ୍ସପ୍ରେସରେ ଯାତ୍ରା ସୁବିଧା ପରି କୋଚ୍ ଉପଲବ୍ଧ କରାଇବାପାଇଁ ନିଷ୍ପତ୍ତି ନିଆଯାଇଛି । ଟ୍ରେନରେ ଆଧୁନିକ ଏଲଏଚବି (LHB) କୋଚ ସଂଯୋଗ କରାଯାଇଛି। ଏଥିରେ ଅଗ୍ନି ନିରାପତ୍ତା, କମ୍ ରକ୍ଷଣାବେକ୍ଷଣ, ଅଧିକ ଯାତ୍ରୀ ପରିବହନ କ୍ଷମତା, ଅଧିକ ସୁରକ୍ଷିତ ଏବଂ ଆରାମଦାୟକ ଯାତ୍ରା ଅଭିଜ୍ଞତା ମିଳିପାରିବ।
18463/18464 ଭୁବନେଶ୍ୱର-କେଏସଆର ବେଙ୍ଗାଲୁରୁ ସିଟି-ଭୁବନେଶ୍ୱର ପ୍ରଶାନ୍ତି ଏକ୍ସପ୍ରେସ ଦ୍ୱାରା LHB କୋଚ ସହିତ ଜୁଲାଇ 5 ତାରିଖରୁ ଭୁବନେଶ୍ୱରରେ ସେବା ଉପଲବ୍ଧି କରାଯାଇଛି । ସେହିପରି 6ରୁ ବେଙ୍ଗାଲୁରୁ ଠାରୁ ଉପଲବ୍ଧ କରାଯାଇଛି । ଆସନ୍ତା 13 ତାରିଖରୁ 12281/12282 ଭୁବନେଶ୍ୱର-ନୂଆଦିଲ୍ଲୀ-ଭୁବନେଶ୍ୱର ଦୁରନ୍ତ ଏକ୍ସପ୍ରେସ ଦ୍ୱାରା LHB କୋଚ ସୁବିଧା ସହିତ ଚଳାଚଳ ଭୁବନେଶ୍ୱରରୁ ଏବଂ 14ରୁ ନୂଆଦିଲ୍ଲୀରୁ ଚଳାଚଳ କରାଯିବ । ସେହିଭଳି 22805/22806 ଭୁବନେଶ୍ୱର-ଆନନ୍ଦ ବିହାର (ଦିଲ୍ଲୀ)-ଭୁବନେଶ୍ୱର ସୁପର ଫାଷ୍ଟ ଏକ୍ସପ୍ରେସ ଭାୟା ଅନୁଗୁଳ ଓ ରାଉରକେଲା ଟ୍ରେନରେ ଭୁବନେଶ୍ବରରୁ 16ରୁ LHB କୋଚ ସୁବିଧା ଆରମ୍ଭ ହେଉଥିବାବେଳେ 18ରୁ ଆନନ୍ଦ ବିହାରରୁ ଚଳାଚଳ କରାଯିବ ।
ପୂର୍ବତଟ ପରିସୀମାରୁ ବାହାରୁଥିବା ଟ୍ରେନ ଗୁଡିକରେ ମଧ୍ୟ ଏଭଳି ସୁବିଧା ଉପଲବ୍ଧ କରାଯାଇଛି । 22869/22870 ବିଶାଖାପାଟଣା-ଚେନ୍ନାଇ-ବିଶାଖାପାଟଣା ଏକ୍ସପ୍ରେସ ବିଶାଖାପାଟଣା ଠାରୁ 11 ତାରିଖରୁ ଓ ଚେନ୍ନାଇ ଠାରୁ 12 ତାରିଖରୁ ଆରମ୍ଭ ହେବ । ଏହି ସୁବିଧା 18503/18504 ବିଶାଖାପାଟଣା-ସାଇ ନଗର ସିରିଡ଼ି-ବିଶାଖାପାଟଣା ଏକ୍ସପ୍ରେସରେ ମଧ୍ୟ ଉପଲବ୍ଧ କରାଯାଇଛି । ବିଶାଖାପାଟଣା ଠାରୁ 7ରୁ ଏବଂ ସାଇ ନଗର ସିରିଡ଼ି ଠାରୁ 8ରୁ ଉପଲବ୍ଧ କରାଯାଇଛି ।
ପୂର୍ବତଟ ରେଳପଥ ପରିସୀମା ମଧ୍ୟରୁ ବାହାରୁଥିବା ଟ୍ରେନ ମାନଙ୍କ ମଧ୍ୟରୁ ବର୍ତ୍ତମାନ ସୁଦ୍ଧା 49ଟି ଟ୍ରେନରେ ରାଜଧାନୀ ଏକ୍ସପ୍ରେସରେ ଯାତ୍ରା ସୁବିଧା ପରି କୋଚ୍ ଉପଲବ୍ଧ କରାଯାଇଛି । ଏହା ବ୍ୟତୀତ, ପୂର୍ବତଟ ରେଳପଥ ପରିସୀମା ମଧ୍ୟଦେଇ ଚଳାଚଳ କରୁଥିବା ଦୁଇଟି ଗୁରୁତ୍ୱପୂର୍ଣ୍ଣ ଟ୍ରେନ 12839/12840 ହାଓଡ଼ା-ଚେନ୍ନାଇ-ହାଓଡ଼ା ମେଲ ଏବଂ 12841/12842 ହାଓଡ଼ା-ଚେନ୍ନାଇ-ହାଓଡ଼ା କରମଣ୍ଡଳ ଏକ୍ସପ୍ରେସ ଟ୍ରେନରେ ମଧ୍ୟ ଏହି ସୁବିଧା 5 ରୁ ହାଓଡ଼ାର ଶାଲୀମାର ଠାରୁ ଯୋଗାଇ ଦିଆଯାଇଛି।
ଇଟିଭି ଭାରତ, ଭୁବନେଶ୍ବର
