ଭୁବନେଶ୍ବର: ଆଜିଠୁ(ମଙ୍ଗଳବାର) ପୁଣି କାର୍ଯ୍ୟକାରୀ ହେଲା ମୋ ବସ ସେବା । ସ୍ମାର୍ଟସିଟି ଭୁବନେଶ୍ବରରେ ଦୀର୍ଘ ୧୪ ଦିନ ପରେ ଗଡ଼ିଲା ମୋ ବସ । ଭୁବନେଶ୍ବରର ଲାଇଫ ଲାଇନ କୁହାଯାଉଥିବା ମୋ ବସ ସେବା ଆଜିଠାରୁ ଆରମ୍ଭ ହୋଇଛି ।,
ସ୍ମାର୍ଟସିଟିରେ ଗଡ଼ିଲା ମୋ ବସ
ରାଜଧାନୀର ୮ ଟି ରୁଟରେ ଗଡିଲା 8ଟି ନନ ଏସି ବସ୍ । ୧୧,୧୬,୧୮,୨୦,୨୩,୨୫,୨୭ ଓ ୩୩ ନମ୍ବର ରୁଟରେ ଗଡ଼ିବ ଏହି ବସ । ସକାଳ 7ଟାରୁ ଆରମ୍ଭ ହୋଇ ସଂନ୍ଧ୍ୟା ୭ ଟା ଯାଁଏ ଗଡିବ ମୋ ବସ । ସେ ରୁଟ ଗୁଡିକ ହେଲା ଶିଖରଚଣ୍ଡୀ ବିହାରରୁ ଲିଙ୍ଗିପୁର,ବରମୁଣ୍ଡାରୁ ଜଗତପୁରା,ମାଷ୍ଟର କ୍ୟାଣ୍ଟିଂନରୁ ଖୋର୍ଦ୍ଧା,ମାଷ୍ଟର କ୍ୟାଣ୍ଟିନରୁ ସମ ହସ୍ପିଟାଲ, ମାଷ୍ଟର କ୍ୟାଣ୍ଟିଂନରୁ ବିଜୁ ପଟ୍ଟନାୟକ ପାର୍କ-ସିଡିଏ, ମାଷ୍ଟର କ୍ୟାଣ୍ଟିଂନରୁ ଏମ୍ସ, ମାଷ୍ଟର କ୍ୟାଣ୍ଟିଂନରୁ ପିପିଲି, ମଞ୍ଚେଶ୍ବରରୁ ଡୁମୁଡୁମା । ଏହି ୮ ଟି ରୁଟରେ ଗଡିଲା ମୋ ବସ । ଯଦିଓ ମୋ ବସ ସେବା ଆରମ୍ଭ ହୋଇଛି, ତେବେ ଯାତ୍ରୀ ଖୁବ କମ ସଂଖ୍ୟକ ଦେଖିବାକୁ ମିଳିଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
