ଭୁବନେଶ୍ବର: ମାର୍ଚ୍ଚ ୨୫ ରୁ ୩୧ ପର୍ଯ୍ୟନ୍ତ ବସିବ ବିଧାନସଭାର ବଜେଟ ଅଧିବେଶନ । ମାର୍ଚ୍ଚ ୨୫ ରେ ରାଜ୍ୟପାଳ ଅଭିଭାଷଣ ରଖିବେ। ୨୬ ଏବଂ ୨୭ ତାରିଖରେ ରାଜ୍ୟପାଳଙ୍କ ଅଭିଭାଷଣ ଉପରେ ଆଲୋଚନା ହେବ । ମାର୍ଚ୍ଚ ୩୦ ତାରିଖରେ ୨୦୨୨- ୨୩ ପାଇଁ କମଚଳା ବଜେଟ (3 ମାସର ବ୍ୟୟ ମଞ୍ଜୁରୀ ବିଲ୍) ଉପସ୍ଥାପନ କରିବେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ।
ବଜେଟ ଅଧିବେଶନ ପୂର୍ବରୁ ସରକାରଙ୍କୁ ସମାଲୋଚନା କଲେ ସୁର
ତେବେ ରାଜ୍ୟ ସରକାରଙ୍କ ବଜେଟକୁ ନେଇ ସରକାରଙ୍କୁ କଡା ସମାଲୋଚନା କରିଛି କଂଗ୍ରେସ ବିଧାୟକ ସୁର ରାଉତରାୟ । ସୁର ରାଉତ କହିଛନ୍ତି ସରକାରଙ୍କ ପାଖରେ ଅର୍ଥ ନାହିଁ । ନିର୍ବାଚନ ପୂର୍ବରୁ ଯେଉଁ ସବୁ ଯୋଜନା ଘୋଷଣା କରିଛନ୍ତି ସେଥିପାଇଁ ଅର୍ଥ ଆବଶ୍ୟକ । ବଜେଟରେ ବରାଦ ହେଲେ ହିଁ ଯୋଜନା ଜାରି ହେବ । ଲୋକଙ୍କ ଟଙ୍କାରେ ଲୋକଙ୍କୁ ଠକୁଛନ୍ତି ସରକାର ବୋଲି ସୁର ଅଭିଯୋଗ କରିଛନ୍ତି ।
