ଭୁବନେଶ୍ବର: ରାଜଧାନୀ ଭୁବନେଶ୍ବରରେ ଶିଖ ବ୍ୟବସାୟୀଙ୍କ ଉପରେ ସଂଘବଦ୍ଧ ଆକ୍ରମଣକୁ ଦୃଢ ନିନ୍ଦା କରିଛନ୍ତି ବରିଷ୍ଠ କଂଗ୍ରେସ ନେତା ତଥା ବିଧାୟକ ସନ୍ତୋଷ ସିଂହ ସାଲୁଜା। ଏହି ଘଟଣା ନେଇ ଗୃହ ବିଭାଗର ମୁଖ୍ୟ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପରେ ବର୍ଷିଛନ୍ତି ବିଧାୟକ ସନ୍ତୋଷ ସିଂହ ସାଲୁଜା।
ମୁଖ୍ୟମନ୍ତ୍ରୀଙ୍କ ଗାଡିକୁ ଅଣ୍ଡା ମାଡ ହେଲେ ସଙ୍ଗୀନ ଦଫା ଲାଗୁଛି ହେଲେ ଜଣେ ବାହାର ରାଜ୍ୟର ବ୍ୟବସାୟୀ ପରବିନ୍ଦର ସିଂହଙ୍କୁ ଆକ୍ରମଣ କରିଥିବା ଅଭିଯୁକ୍ତଙ୍କୁ ଯେଉଁଭଳି ଭାବରେ ପୋଲିସ କୋହଳ ଦଫା ଲଗାଇଲା ଆଉ ଜାମିନରେ ଯିବା ପାଇଁ ସହାୟତା କଲା ସେନେଇ ସେ ପ୍ରଶ୍ନ ଉଠାଉଇଛନ୍ତି । ରାଜ୍ୟରେ 5-ଟି, ମୋ ସରକାର କାର୍ଯ୍ୟକାରୀ ହେଉଥିବାବେଳେ ପୋଲିସ ଉପସ୍ଥିତରେ ଜଣେ ନିରୀହ ଶିଖ ବ୍ୟବସାୟୀଙ୍କୁ ଅମାନବୀୟ ଭାବରେ ଆକ୍ରମଣ ହେଲା ଅଥଚ ମୁଖ୍ୟମନ୍ତ୍ରୀ ଚୁପ । ତୁରନ୍ତ ଏହି ସମ୍ବେଦନଶୀଳ ପ୍ରସଙ୍ଗରେ ମୁଖ୍ୟମନ୍ତ୍ରୀ ହସ୍ତକ୍ଷେପ କରିବାକୁ ଦାବି କରିଛନ୍ତି । ଜାତୀୟ ସ୍ତରରେ ଓଡିଶାର ଛବିକୁ ଖରାପ ନକରନ୍ତୁ ବୋଲି ସେ ମୁଖ୍ୟମନ୍ତ୍ରୀଙ୍କ ନିକଟରେ ଦାବି କରିଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
