ପଳାଶୁଣିରେ ଟ୍ରକ ଧକ୍କାରେ ଟ୍ରକ ମାଲିକ ମୃତ

ଭୁବନେଶ୍ବର ପଳାଶୁଣିରେ ଟ୍ରକ ଧକ୍କାରେ ଜଣେ ମୃତ । ବର୍ତ୍ତମାନ ପର୍ଯ୍ୟନ୍ତ ମୃତକଙ୍କ ପରିଚୟ ମିଳିନାହିଁ ।

ଭୁବନେଶ୍ବର: ପଳାଶୁଣିରେ ଟ୍ରକ ଧକ୍କାରେ ଜଣେ ପ୍ରାଣ ହରାଇଛନ୍ତି । ମୃତକ ଜଣକ ଟ୍ରକ ମାଲିକ ହୋଇଥିବାବେଳେ ରାସ୍ତାକଡରେ ନିଜ ଡ୍ରାଇଭରଙ୍କ ସହିତ କଥା ହେଉଥିଲେ । ଏହି ସମୟରେ ବିପରୀତ ଦିଗରୁ ଆସୁଥିବା ଆଉ ଏକ ଟ୍ରକ ତାଙ୍କୁ ଧକ୍କା ଦେବା ଯୋଗୁଁ ଘଟଣାସ୍ଥଳରେ ହିଁ ସେ ପ୍ରାଣ ହରାଇଛନ୍ତି ।

ଶବ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲକୁ ତାଙ୍କ ମୃତଦେହ ପଠାଇ ଦିଆଯାଇଛି । ଘଟଣାସ୍ଥଳରେ ଚାପା ଉତ୍ତେଜନା ଯୋଗୁଁ ପୋଲିସ ମୁତୟନ କରାଯାଇଛି ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ